(එස්. ඩී.කොඩිකාර)
 
නීතිවිරෝධීව රුපියල් ලක්ෂ තුනක් පමණ වටිනා කොස් දැව තොගයක් ප්‍රවාහනය කරමින් සිටි පුද්ගලයකු අද(02) නාගොඩ ප්‍රදේශයේදී අත්අඩංගුවට ගත් බව මාලිම්බඩ පොලිසිය කියයි.

අත්අඩංගුවට ගත් සැකකරු ගල්පමුණුව ප්‍රදේශයේ පදිංචි 42 හැවිරිදි පුද්ගලයෙකි.

සැකකරු බලපත්‍ර නොමැතිව ධාවනය කරමින් තිබූ මෙම කුඩා ලොරි රථයේ පිටුපස ආවරණය කර තිබූ බවත්, පොලිස් නිලධාරීන්ට සැක සිතී එය පරීක්ෂා කළ බවත්, එහි තිබී ඉරන ලද දැව තොගයක් හමු වූ බවත් පොලිසිය පවසයි.

අත්අඩංගුවට ගත් කොස් දැව පොලිසිය බාරයට ගෙන ඇත.

දැව තොගය, ලොරි රථය සහ සැකකරු මාතර මහේස්ත්‍රාත් අධිකරණයට ඉදිරිපත් කිරීමට නියමිතය.

මාලිම්බඩ පොලිසිය වැඩිදුර පරීක්ෂණ පවත්වයි.