විනීතා එම් ගමගේ
 
නකල්ස් රක්ෂිතයට ස්වාරක්ෂක කලාපයක් තිබිය යුතුය යන සම්මුතියක් ඇතත් එය නීතිමය අවශ්‍යතාවයක් නොවන බව මහවැලි සංවර්ධන හා පරිසර අමාත්‍යංශයේ අතිරේක ලේකම් (පරිසර ප්‍රතිපත්ති හා සැලසුම්) වසන්ත දිසානායක මහතා ප්‍රකාශ කළේය.
 
එහෙත් ස්වාරක්ෂක කළාපය තිබීම තුළ රක්ෂිතයේ ආරක්ෂාව තහවුරු වන නිසා එවැන්නක් තිබීම අවශ්‍ය යැයි ද දිසානායක මහතා පැවැසීය.
 
මධ්‍ය කඳුකරයේ ඉඩම් පරිභෝජන රටාව යහපත් නොවන බව ද පරිසර හානිවලට එය ද හේතු වන බව ද අතිරේක ලේකම්වරයා කියා සිටියේය. 
 
දිසානායක මහතා මේ අදහස් පළ කළේ මධ්‍යම පරිසර අධිකාරියේ අද (12) පැවැති විශේෂ සාකච්ඡාවක දී අදහස් දක්වමිනි. නකල්ස් රක්ෂිතයේ ආරක්ෂාව වෙනුවෙන් ගතයුතු පියවර පිළිබඳ විවිධ පාර්ශවවල අදහස් විමසීම සඳහා මෙම සාකච්ඡාව පැවැත්විණි. 
 
එහි දී තවදුරටත් අදහස් දැක්වූ දිසානායක මහතා මෙසේ ද කීය.   
 
‘‘ශ්‍රී ලංකාව දේශගු‚ක විපර්යාසවලට මුහුණ දෙමින් සිටින රටක්. ඊසාන දිග මෝසමේ වැසි අඩුවෙලා නිරිත දිග මෝසමේ වැසි වැඩිවෙලා. රටේ තුනෙන් එකක් වු වියලි කලාපය තව දුරටත් වියලි යන අතර තෙත් කළාපයට මෝසම් වැසි වල තීව්‍රතාවය වැඩි වී ගංවතුර තර්ජන එනවා. 
 
මේ නිසා දේශගුණ විපර්යාසවලට මුහුණ දීම වෙනුවෙන් සුවිශේෂී වැඩ  පිළිවෙලක් හැදිය යුතුව තිඛෙනවා. එවැනි ව්‍යාපෘති සඳහා ලෝක හරිත දේශගුණ අරමුදල මූල්‍ය ආධාර දෙනවා. මෙම අරමුදලෙන් පරිසර අමාත්‍යංශය කළ ඉල්ලීමකට අනුව එහි නියෝජිතයින් ලංකාවට ආවා. ඔවුන් අපට පොරොන්දුවක් දුන්නා අපේ යෝජනාවලට මුදල් දෙන බවට. ඒ වගේම ආදර්ශයක් වන පරිදි වැඩ පිළිවෙලක් සකස් කරන්න ඔවුන් යෝජනා කළා. 
 
වියලි කළාපයේ තව දුරටත් වියලීමට එක හේතුවක් වන්නේ  මධ්‍ය කඳුකරයේ ඉඩම්වල භූමි පරිභෝජන රටාවයි. මොරගහකන්ද ජලපෝෂක නොරැකුණොත් ජලාශයට වියදම්  කළ මුදල් අපතේ යනවා. ‘‘
 
මෙහිදී පරිසර නීතිඥ ජගත් ගුණවර්ධන මහතා අදහස් දක්වමින් මෙසේ කීය. 
 
‘‘වසර 2000 වන තුරුත් නකල්ස් රක්ෂිතයක් නොවෙයි. එය රක්ෂිතයක් බවට පැවැති මතය නිසා එය රැකුණා. මේ ප්‍රදේශයේ ඇති ශාක සත්ව ගහනයන් මේ වනතුරුත් හඳුනා ගෙන අවසන් නැහැ.  නකල්ස් රක්ෂිතයේ ස්වාරක්ෂක කළාප ඇති කළයුතුයි. එය මීටර් 500 ක් නොව අවශ්‍යතා අනුව වැඩි කළ යුතුව තිඛෙනවා. සංවේදී ප්‍රදේශ ආරක්ෂිත විය යුතුයි. ඉහළ ප්‍රදේශවල පාංශු ඛාදන වැළැක්වීමට කටයුතු යෙදිය යුතුව තිඛෙනවා. ගල් පිපිරවීමට කිසිසේත්ම ඉඩ නොදිය යුතුයි. 
 ්