(ඩී.ජී.සුගතපාල)
 
එකොළොස් හැවිරිදි දියණියව අපයෝජනය කිරීම සම්බන්ධයෙන් අත්අඩංගුවට ගෙන අධිකරණයට ඉදිරිපත්කළ සැකකාර පියෙකු 29දක්වා රිමාන්ඩ් බන්ධනාගාර ගත කිරීමට ගාල්ල අතිරේක මහේස්ත්‍රාත් පවිත්‍රා සංජීවනී පතිරණ මහත්මිය අද (17) නියෝග කළාය.
 
මෙසේ රිමාන්ඩ් බන්ධනාගාර ගත කරන ලද්දේ අක්මිමණ පොලිස් වසමේ පදිංචි ගාල්ල නගරයේ හෝටලයක සේවය කරන 30 හැවිරිදි පුද්ගලයෙකි.

සැකකරු අධිකරණයට ඉදිරිපත් කරමින් පොලිසිය කියා සිටියේ  කලක සිට බිරිඳ නිවසින් පිටතට ගිය අවස්ථාවලදී දියණියව අපයෝජනය කර කිසිවෙකුට නොකියන ලෙස මරණ තර්ජන කර ඇති බවත් දැරිය මේ පිළිබඳව මවට පවසා ඇති බවත්ය.
 
දිනක් දියණියට අතවර සිදු කරනු මව දැක ඇති අතර එහිදි ඔවුන් අතර ආරවුලක් ඇතිවී තිබෙන බවත් පසුව මව සිද්ධිය පොලිසියට පැමිණිලි කර ඇති බවත් පොලිසිය කියාසිටියේය.
 
අක්මීමණ පොලිස් ස්ථානාධිපති පොලිස් පරික්ෂක අමරසේන මහතාගේ උපදෙස් පරිදි ළමා හා කාන්තා කාර්යංශයේ ස්ථානාධිපතිනි පොලිස් පරික්ෂිකා නිශාන්ති, සැරයන් ලක්ෂ්මන් යන මහත්ම මහත්මින් විසින් සැකකරු අධිකරණයට ඉදිරිපත් කරන ලදී.