(ශාන්ත චන්ද්‍රසිරි)
 
උඩරට දුම්රිය මාර්ගයේ තලවකැලේ දුම්රිය ස්ථානය ආසන්නයේදී පුද්ගලයෙකු අද (04) උදෑසන දුම්රියක ගැටී මියගොස් ඇතැයි තලවකැලේ පොලීසිය පවසයි.
 
මියගොස් ඇත්තේ තලවකැලේ, හොලිරෑඩ් වත්තේ, නැගෙනහිර කොටසේ පදිංචිව සිටි විජේසුන්දර මුදියන්සේලාගේ චන්ද්‍රෙස්න (67) නැමැති අයෙකි.
 
අසනීප තත්ත්වයකින් පෙළෙමින් සිටි මෙම පුද්ගලයා  තලවකැලේ නගරයට පැමිණ නැවැත දුම්රිය මාර්ගය ඔස්සේ නිවසට යමින් සිටියදී, බදුල්ල සිට කොළඹ කොටුව බලා ධාවනය වු දුම්රියට හසුව ඇතැයි මූලික පරීක්ෂණවලදී අනාවරණය වී තිබේ.
 
මියගිය පුද්ගලයාගේ මළ සිරුර අධිකරණ වෛද්‍ය පරීක්ෂණ කටයුතු සඳහා නුවරඑළිය මහ රෝහල වෙත රැගෙන යාමට පොලීසිය පියවර ගෙන ඇත.
 
තලවකැලේ පොලීසිය වැඩිදුර පරීක්ෂණ පවත්වයි.