(රොමේෂ් මධුෂංඛ)    

                                                 
ලෝක පරිසර දිනය නිමිත්තෙන් උතුරු පළාතේ යාපනය නගරය කේන්ද්‍ර කරගනිමින් පැල සිටුවීමේ වැඩසටහන් මාලාවක් උතුරු පළාත් ආණ්ඩුකාර රෙජිනෝල් කුරේ මහතාගේ ප‍්‍රධානත්වයෙන් අද (5) යාපනය පන්නෙයි බලකොටුව අසලින් ආරම්භ විය.

එහිදී කරඳ, මාර, රතුඅඹ, කොට්ටම්බ, කොහොඹ, තේක්ක, ජම්බු, මහෝගනී යන පැල වර්ග 6000ක් රෝපණය කරනු ලැබූ අතර ත‍්‍රිවිධ හමුදාව සහ පොලිසීය උපරිම දායකත්වයක් ලබාදුන් අතර උතුරු පළාත් කෘෂිකර්ම දෙපාර්තමේන්තුව, වන සංරක්ෂණ දෙපාර්තමේන්තුව සහ යාපනය මහ නගර සභාවේ සහයෝගයෙන් මෙම වැඩසටහන ඉතා සාර්ථකව ආරම්භ කෙරිණි.

යාපනය ප‍්‍රදේශය ආවරණය කරගනිමින් පාසල් 16කද මෙම පැල රෝපණය කරනු ලැබූ අතර යාපනය නගර සභා බල ප‍්‍රදේශය තුළද මෙම පැල රෝපණය කරන ලදී.

රුක් රෝපණ උත්සව අවස්ථාවට උතුරු ආණ්ඩුකාර රෙජිනොල්ඩ් කුරේ මහතා ,උතුරු පළාත් ප්‍රධාන අමාත්‍ය සී.වී.විග්නේශ්වරන් මහතා, යාපනය මහනගරාධිපති එමානුවෙල් ආනෝල්ඩ් මහතා ඇතුළු ආරක්ෂක අංශ ප්‍රධානීන් පිරිසක් සහභාගී වූහ.