සිතුම් චතුරංග
 
මුලතිව් - පරන්තන් මාර්ගයේ කරඩිප්පු ප‍්‍රදේශයේදී සුඛෝපභෝගී බස්රථයක්, ලොරි රථයක් හා යතුරු පැදියක් එකිනෙක ගැටී පුද්ගලයින් පස්දෙනකු තුවාල  ලබා රෝහල් ගතකොට ඇති බව කිලිනොච්චිය පොලිසිය කියයි.
 
මුරුකණ්ඩි සිට පරන්තන් දක්වා ගමන්ගත් ලොරි රථයක් ගවයින් රංචුවක් මගහැරයාමට උත්සහ කිරීමේදී බස්රථයෙහි ගැටී මාර්ගයේ ගමන්ගත් යතුරු පැදියකද ගැටී ඇති බව පොලිසිය සඳහන් කරයි.
 
පොලිසිය පැවසුවේ අනතුරින් තුවාල ලැබූ යතුරු පැදිකරු බරපතල තුවාල ලබා ඇති අතර ලොරි රථයේ සිටි පුද්ගලයින් දෙදෙනකු හා බස්රථයේ ගමන්ගත් පුද්ගලයින් දෙදෙනකු ද තුවාල ලබා කිලිනොච්චිය රෝහල වෙත ඇතුලත් කොට ඇති බවයි.
 
අනතුරින් කිලිනොච්චි කරඩිප්පු ගොවිපලට අයත් ගවයින් දෙදෙනකුද ජීවිතක්ෂයට පත්ව සිටි බව පොලිසිය සඳහන් කළේය.