(යක්කලමුල්ල විශේෂ ජේ.කේ.එල් චාමින්ද)

අගමැති මහින්ද රාජපක්ෂ මහතා වෙත ශ්‍රි ලංකා පොදුජන පෙරමුණේ ගාල්ල දිස්ත්‍රික් පළාත් පාලන මන්ත්‍රි සංසදයේ පුර්ණ සහයෝගය  හිමිවන බැව් එම සංසදයේ සභාපති හා අක්මිමන ප්‍රා දේශිය සභාවේ සභාපති සේන කළහේවත්ත මහතා පවසයි.

අද (03)පස්වරුවේ  අක්මිමන ප්‍රා දේශිය සභා කාර්යාලයේ පැවති  ශ්‍රි ලංකා පොදුජන පෙරමුණේ ගාල්ල දිස්ත්‍රික් පළාත් පාළන මන්ත්‍රි  සංසදය මගින් සංවිධානය කොට තිබු මාධ්‍ය හමුවකදි හෙතෙම මේ බව සදහන් කළේය.    

මෙම මස 05 වැනිදා පැවැත්වෙන රටම රකින ජන මහිමය  ජන රැළිය සදහා ගාල්ල දිස්ත්‍රික්කයෙන් දැවැන්ත ජනතාවක් සහභාගිකරවිමට පළාත් පාළන මන්ත්‍රි සංසදය තින්දු කොට ඇති බවද කළහේවත්ත මහතා පවසයි.

ඉදිරියේ කුමන මැතිවරණයක් පැවතියද මහින්ද රාජපක්ෂ මහතාගේ නායකත්වයෙන් බිහිවන සන්ධානයකට පළාත් පාළන මන්ත්‍රි සංසදයේ පුර්ණ සහයෝගය ලබාදෙන බවත් ගාල්ල දිස්ත්‍රික්කයේ දිස්ත්‍රික් නායකයා ලෙස දොස්තර් රමේෂ් පතිරණ හා නියෝජ්‍ය නායකයා වශයෙන්  මොහාන් පි ද සිල්වා යන මන්ත්‍රිවරුන්ගේ  නායකත්වයෙන් සියලු සංවිධාන කටයුතු සිදුකරණ බවද  කළහේවත්ත මහතා පවසයි.

 හෙතෙම මේසේද පැවසිය.

‘‘අපි 05 වැනිදා කොළඹට ජනගංගාවක් ගෙනියනවා.  ජනතා බලය මගින්   රජයේ හා   අගමැති ධුරයේ  ස්ථාවර බව අපි පෙන්වනවා. යහපාලන  රජය පලවාහරින්න කියලා ජනතාව කාලයක සිට ඉල්ලුවා. ප්‍රමාද වි හෝ  මෛත්‍රිපාල සිරිසේන ජනාධිපතිවරයා විසින් අගමැති ධුරය සදහා  මහින්ද රාජපක්ෂ මහතා පත් කිරිමට හොද තින්දුවක්  අරගෙන තියෙනවා. අපේ දිස්ත්‍රික් නායක රමේෂ් පතිරන හා නියෝජ්‍ය නායක මොහාන් පිද සිල්වා යන මන්ත්‍රිවරු තනතුරු  ගන්නේ නැහැ.  රට බේරා ගැනිම තමයි අවශ්‍ය. අපි දෙගොල්ලන් එකතුවුවද ශ්‍රි ලංකා පොදුජන පෙරමුණ ප්‍රධාන බලවේගය ලෙස ඉදිරියටත් ගෙනි යනවා.. ශ්‍රි ලංකාපොදුජන පෙරමුණ සමග අතරමං වන්නේ  නැහැ..‘‘
 යක්කලමුල්ල ප්‍රාදේශිය සභාවේ හිටපු සභාපති චන්දිම ලියනගේ මහතා මෙසේ පැවැසීය.