මානව හිමිකම් ගැන කතා කරමින් නිදහස, ප්රජාතන්ත්රවාදය සැබෑ ලෙස භුක්ති විඳිය යුතු අතරම එය සැබෑ ලෙස තේරුම් ගැනීමත් අධ්යයනය කිරීමත් කළ යුතු බව ජනාධිපති මෛත්රීපාල සිරිසේන මහතා අද (5) කොළඹ නෙළුම් පොකුණ සම්මන්ත්රණ ශාලාවේ පැවැති ‘ගුරු ප්රතිභා ප්රභා’ ගුරු හා විදුහල්පති ඇගයීම් උලෙළ අමතමින් පැවසීය.
ගුරුවරයකු දඬුවම් කළ පමණින් මානව හිමිකම් ගැන කතා කරන මාපියන් ගුරුවරුන් දෙස සාධාරණව බැලිය යුතු බව ද කී ජනපති කවුරුන් කෙසේ කීවද ලෝකය, රට හා සමාජය වෙනස් කරන්නේ ගුරුවරුන් යැයි ද ලෝකය වෙනස් කිරීමේ රට හා සමාජය වෙනස් කිරීමේ මානව ශක්තිය, අයිතිය හා උරුමය හිමිවන්නේ සමස්ත ගුරු පරපුරට යැයි ද කීවේය.
අධ්යාපන පොදු සහතික පත්ර සාමාන්ය පෙළ අසමත් වන සිසුන්ට සිය ඉගෙනීම් කටයුතු අවසන් නොකර තවදුරටත් අධ්යාපන කටයුතුවල යෙදීමට හැකි අයුරින් නව විෂය ධාරා 24කට වැඩි සංඛ්යාවක් හඳුන්වාදීමට කටයුතු කරන බව උත්සවය ඇමැතූ අධ්යාපන අකිල විරාජ් කාරියවසම් මහතා අද (5) කොළඹදී පැවැසීය.
විභාග කේන්ද්රීය ක්රමයක් වෙනුවට අනාගතයේ දී දරුවන්ට තමා දක්ෂතා දක්වන විෂයවලින් ඉදිරියට යෑමට එම ක්රමවේදය තුළින් අවස්ථාව සැලසෙන බව ද අධ්යාපන ඇමැතිවරයා එහිදි කීවේය.
COMMENTS
Reply To:
Sisira - cb chds hcdsh cdshcsdchdhd
දරුවන්ට තම ළමා කාලයේ අධ්යාපනය මෙන්ම සැහැල්ලු බවද තිබිය යුතුයි යනු මගේ හැඟීමයි. දරුවන්ට හරියට පාසලේදී උගන්වනවා නම් ටියුෂන් මාරයාගෙන් දරුවන් බේරාගත හැකිය. අද පන්තිවල ළමයි 4ක් 5ක් වැඩිවුණොත් කෑගසන දෙමව්පියන් ටියුෂන් පන්තියේ ළමයින් 1000ක් හිටියත් කිසිවක් නොදොඩා හිඳින්නේ මන්ද? මේ ගැන රටේ අධ්යාපන බලධාරීන් නිසි පියවරක් නොගන්නේ මන්ද? ඇමතිතුමනි, හැකිනම් ඒ සදහා නිසි පියවරක් යොදනු මැනවි (නි)
ගුරුවරු සමාජය උගත් කරනවා. බැලු බැලූ අත ලෝකය වෙනස්කරලා දියුණු කරලා තියෙන්නේ තාක්ෂණය හදාරපු ඉංජිනේරුවරු වගේ අය. (නි)
එතකොට ලෝකය විනාශ කරන්නේ කවුද? (නි)
ඔක්කොම “කළයුතුයි" කියලා ඉවර කරනවා හැමදාම. එතකොට කවුද කළයුතු? ඡන්දෙ දුන්න අපිද? (නි)
වීරසේන සහ ආර් වික්රමට මගේ උපහාරය. තවමත් සමහර මිනිස්සු අැන්දෙනවා. රටේ සංවර්ධනය බින්දුවට බස්සවලා තවම කතාව දෝලාවෙන්. මේ කියන කතා ගොඩක් මිනිසුන්ට තේරෙන්නේ නැහැ. එයාල හිතනවද දන්නේ නැහැ මහා ලොකු දෙයක් කෙරෙනවා කියලා. බටහිර රටවල් අපිව අන්දනවා කියලා දැනගන්නකොට අපි බොහොම ප්රමාද වැඩියි (නි)