(ඩබ්ලිව්.ඒ. අසේල)
 
ගලහ පොලිස් වසමේ බව්ලාන වත්ත ප්‍රදේශයේ කෝවිලක් අසළ ළිඳක් හාරන මුවාවෙන් අනවසරෙන් මැණික් ඉල්ලමක් හෑරූ පුද්ගලයින් හත්දෙනෙකු අද(11) අත්අඩංගුවට ගත් බව ගලහ පොලිසිය පවසයි.
 
අත්අඩංගුවට ගත් සැකකරුවන් මහනුවර කටුගස්තොට ප්‍රදේශය අවට පදිංචිකරුවන් වන අතර ඔවුන් දින ගණනාවක් තිස්සේ මෙම මැණික් ඉල්ලම  කැපීමේ කටයුත්ත කර ඇත.
 
සැකකරුවන් සමග ඉල්ලම් කූරු, අලංවංගු, උදලු, කුළුගෙඩි ආදි උපකරණද අත් අඩංගුවට ගෙන ඇත. 
 
ළිඳ කැපීමේ දී මතුවන ජලය බැසයාම සඳහා වෙනම කාණුවක්ද කපා ඇත.
 
අත්අඩංගුවට පත් සැකකරුවන් මහනුවර මහෙස්ත්‍රාත් අධිකරණයට ඉදිරිපත් කිරීමට නියමිතය.