(එම්.කේ. නන්දසේන සහ කේ. ඩී. දේවප්‍රිය)
 
ඓතිහාසික රුහුණු මහා කතරගම දේවාලය වාර්ෂිකව පවත්වනු ලබන ඉල් මහ මංගල්‍යය පෙරහර උත්කර්ෂවත් අයුරින් පැවැත්විණ.
 
මෙම පෙරහර  දුටුගැමුණු රජු සමයේ සිට පැවත එන පෙරහරකි.
 
වැඩ බලන බස්නායක නිළමේ  දිල්රුවන් රාජපක්ෂ මහතාගේ ධූර කාලය තුළ පැවැත්වීමට නියමිත අවසන් පෙරහැර මෙම පෙරහැර බැවින් ඒ මහතා නිළ ඇඳුමින් සැරසී පෙරහැරේ ගමන් කිරීම මෙවර  විශේෂ සිද්ධියක් විය.
 
වත බැඳ සෙත්පිරිත් සජ්ජායනා මධ්‍යයේ ආරම්භවූ පෙරහැර අෂ්ඨඵල බෝධිය, මහදේවාලය වටා ප්‍රදක්ෂිණාකොට ප්‍රධාන වාහල්කඩ දොරටුවෙන් පිටත්විය.  මෙලෙස පිටත්වූ පෙරහර ප්‍රධාන වීදිය ඔස්සේ වල්ලි අමිමා දේවාලය වෙත ගමන්කර  චිරාගත පූදසිරිත් ඉටුකරනු ලැබිය.ඉන් අනතුරුව නැවත එම වීදිය ඔස්සේ ශ්‍රී අභිනවාරාම විහාරස්ථානය, බස්නායක නිළමේ  කාර්යාලය අභියසින් මහදේවාලය වෙත ගෙවදීමෙන් පසු ඉල් මහ මංගල්‍යය පෙරහැර රාත්‍රී 12 ට පමණ නිමාවට පත්කෙරිණ.
 
මහදේවාලයේ ප්‍රධාන කපුධුරන්දර සොමිපාල ටී රත්නායක මහතාගේ උපදෙස් මත දේවාලයේ සහ පෙරහැරේ තේවා කටයුතු සිදුකෙරිණි.

(ඡායාරූප - කේ. ඩී. දේවප්‍රිය)

(ඡායාරූප - එම්.කේ. නන්දසේන)