(බිඟුන් මේනක ගමගේ)

දකුණු පළාත් සභාවට අයත් පාසල්වල "සිසු තරණ" නමැති අධ්‍යාපන ව්‍යාපෘතියෙහි නිරතව සිටි සංවර්ධන නිලධාරින් ආණ්ඩු මාරුවත් සමඟ ඉන් ඉවත් කර කාර්යභාරයක් නොමැති තත්ත්වයට පත් කර ඇතැයි වාර්තාවේ.

ගාල්ල, මාතර හා හම්බන්තොට යන දිස්ත්‍රික්ක වලට අයත් පළාත් සභා පාසල් වල අ.පො.ස සා.පෙළ සිසුන්ට ප්‍රතිපෝෂණ වැඩසටහන් දියත් කිරීම යටතේ සංවර්ධන නිලධාරීන් 198 දෙනෙක් මෙම ව්‍යාපෘතියෙහි නිරතව සිට ඇත.

දකුණු පළාත් සභාවේ හිටපු අධ්‍යාපන ඇමති චන්දිමා රාසපුත්‍ර මහතා ගේ සංකල්පයකට අනුව මෙම ව්‍යාපෘතිය දියත් කර ඇති අතර අධ්‍යාපන ඉලක්ක සපුරා ගැනීමෙන් අනතුරුව තමන්ට ගුරු පත්වීම් ලබාදෙන බවට අධ්‍යාපන ඇමතිවරයා පොරොන්දු වී යැයි ඔවුහු පවසති.

එහෙත් 2020 වසරේ ආරම්භය සමග නිශ්චිත රාජකාරියක් නො පවරමින් තමන් කලාප අධ්‍යාපන කාර්යාලවලට යොමු කළ බවටත් ඇතැමුන්ට කළමනාකරණ සහකාර වරුන්ගේ වැඩ කටයුතු වලට සහාය දීමට සිදු ව ඇති බවටත් ඔවුහු චෝදනා කරති.

දැනට පළාත් සභාව විසුරුවා ඇති බැවින් තමන්ට සිදුවූ අකටයුත වූ අකටයුත්ත ගැන පැමිණිලි කිරීමට ද බලධාරියකු නොමැති යැයි ද ඉදිරියේදී මේ සම්බන්ධයෙන් ආන්ඩුකාරවරයා දැනුවත් කරන්නේ යැයි ද එම සංවර්ධ නිලධාරී හු පවසති.