( ඔගස්ටින් ප්‍රනාන්දු‍)                 

නීතිවිරෝධි ලෙසින් ඊයම් හා තඹ කම්බි තොගයක් ගබඩා කර තිබු නිවසක් වටලා තඹ කම්බි හා ඊයම් බරු තොගයක් සමඟ  එම තොගය සන්ත‍කයේ තබා ගෙන සිටි එක් පුද්ගලයෙකු අද ( 28 ) අත් අඩංගුවට ගත් බව හලාවත කොට්ඨාස පොලිස් රථවාහන ඒකකය කියයි.

හදිසියේ ලැබුණ තොරතුරක් අනුව පොලිස් නිලධාරීන් කණ්ඩායමක් මුගුණුවටවන, වටවන ප්‍රදේශයේ නිවසක් වෙත ගොස් කළ සෝදිසියක දී  එම නිවසෙහි  රහසිගතව ගබඩා කර තිබූ මෙම තඹ කම්බි හා ඊයම් බරු තොගය හා  ඊයම් පට්ටම් හතරක්  සොයා ගෙන තිබේ.

වාත්තු වැඩ කරන  බවත් තම මිතුරෙකු විසින් ගෙනැවිත් දුන් මෙම තඹ හා ඊයම් තොගයක මිල දි ගත් අතර රුපියල් 570ක් බැගින් මිලකට තඹ කම්බි කිලෝවක් ගත් අතර ඊයම් ඊට අඩු මිලකට ලබා ගත් බව අත්අඩංගුවට පත් වූ සැකකරු පවසා ඇති අතර  මෙම තඹ හා ඊයම් පසුව තමන් වැඩි මිලකට කොළඹ ව්‍යාපාරිකයෙකු වෙත විකුණන පවසා ඇත.

අත්අඩංගුවට ගත් තඹ තොගය කිලෝ115කුත්  ග්‍රැම් 600 ක් වන අතර ඊයම් කිලෝ 81 වන බවත් කියයි.

අත් අඩංගුවට ගත් ද්‍රව්‍ය විදුලි බල මණ්ඩලය හෝ විදුලි සංදේශන කටයුතු වලට භාවිත කරණ ඒවා බව විශ්වාස කරන  ලබන බවත් ඒ සම්බන්ධයෙන් එහි නිලධාරින් කැඳවා පරික්ෂා කිරිමට පියවර ගත් බවත් පොලිසිය කියයි. සැකකරු මුගුණුවටවන වටවන ප්‍රදේශයේ පදිංචි 37 වන වියේ පසුවන විවාහකයෙකු බවත් කියයි. පරික්ෂණ වලින් පසු සැකකරු හා අත්අඩංගුවට ගත් ද්‍රව්‍ය හලාවත අධිකරණය හමුවට ඉදිරිපත් කිරීමට නියමිතය.