අලියකු පහරදීමෙන් ගොවියෙක් මරුට

ක.ග කරුණාරත්න
පොලොන්නරුව, කලහගල 8 ඇළ ප්‍රදේශයේදී අද (07) අලුයම 3.30 ට පමණ අලියෙකු පහරදීමෙන් පුද්ගලයකු මරුමුවට පත්වී ඇතැයි පොලොන්නරුව පොලිසිය කියයි.

එම සිද්ධියෙන් මිය ගොස් ඇත්තේ කලහගල පදිංචි එම්.ඒ සමන් කුමාර නැමැති 38 හැවිරිදි ගොවි මහතෙකි.

අස්වැන්න නෙළීමට ආසන්න තත්වයේ පවතින තම කුඹුර වන සතුන්ගෙන් ආරක්ෂා කර ගැනිම සඳහා රාත්‍රී කලයේ පැල් රකිමින් සිට ආපසු නිවෙස බලා එමින් සිටියදී අතර මඟදී අලියා පහරදී ඇති බව පොලිසිය සිදු කල විමර්ශණවලදී හෙළිවී ඇත. එම අවස්ථාවේ මෙම පුද්ගලයා සමඟ පැමිණි බව කියන ටවත් ගොවීන් තිදෙනෙකු දුව ගොස් දිවි බේරා ගෙන ඇතැයිද කියති. පොලොන්නරුව පොලිසිය මේ පිළිබඳව පරීක්ෂණ පවත්වයි.