(රංජිත් රාජපක්ෂ)        
                
බගවන්තලාව පොලිස් වසමට අයත් කැම්පියන් වතුයායේ බලපත්‍රයක් නොමැතිව අනවසරෙන් මැණික් ගැරූ පුද්ගලයන් අටදෙනෙකු සැකපිට අද (07) අලුයම අත්අඩංගුවට ගත් බව බගවන්තලාව පොලිසිය පවසයි.
 
එහි අනවසරෙන් මැණික් ගරමින් සිටි සැකකරුවන් හයදෙනෙකු සහ බගවන්තලාව පොලිස් වසමට අයත් කැමිපියන් ලොයිනොල් වතුයායේ රාණිකාඩු කොටසේ  කෙසෙල්ගමුඔය අසළ අනවසරෙන් මැණික් ගරමින් සිටි සැකකරුවන් දෙදෙනෙකුද අත්අඩංගුවට ගත් බව පොලිසිය කියයි.
 
මොවුන් තේ පඳුරු ගලවා විශාල පරිසර හානියක් කරමින් මැණික් ගරමින් සිට ඇත.
 
අත්අඩංගුවට ගත්  සැකකරුවන් එම වතුයායේම පදිංචිකරුවන් බව පොලිසිය කියයි.
 
මැණික් ගැරීමට උපයෝගි කරගත් උපකරණ රැසක් ද පොලිසිය බාරයට ගෙන ඇත.
 
අත්අඩංගුවට ගත් සැකකරුවන් පොලිස් ඇප මත මුදා හැර ඇත.
 
සැකකරුවන් මේ මාසයේ 11 වෙනි දින හැටන් මහෙස්ත්‍රාත් අධිකරණයට ඉදිරිපත් කිරීමට නියමිතය.