(ශාන්ත ප්‍රදීප් කුමාර කුලරත්න)

රාජගිරිය රෝයල් පාක් සුපිරි නිවාස සංකීර්ණයේ ප්‍රධාන ගේට්ටුව ඉදිරිපිට සවිකර ඇති,ඒ.ටී
එම්.  යන්ත්‍රය තියුණු ආයුධයක ආධාරයෙන් කැඩීමට උත්සාහ දැරූ දෙදෙනකු අද අලුයම අත්අඩංගුවට ගත් බව වැලිකඩ පොලීසිය පවසයි .

මෙසේ අත්අඩංගුවට ගෙන ඇත්තේ රාජගිරිය , බණ්ඩාරනායකපුර ප්‍රදේශයේ පදිංචි තරුණයන් දෙදෙනකු බව පොලිසිය කියයි .

මෙම පුද්ගලයන් දෙදෙනා මුදල් ලබා ගන්නා මුවාවෙන් රාත්‍රී 12 පමණ ඒ.ටීඑම්.  යන්ත්‍රය අසලට පැමිණ ,අඩි 5ක් පමණ දිගින් යුත් , යකඩෙන් සැකසූ තියුණු ආයුධයකින් , යන්ත්‍රය කැඩීමට උත්සාහ දරා ඇතැයි පැවැසේ .

පැයක පමණ කාලයක් යන්ත්‍රය කැඩීමට උත්සාහ දරා ඇතත් එය ව්‍යර්ථ වීම නිසා දෙදෙනා ඉන් ඉවත්ව ගොස් තිබේ.

පසුදා උදෑසන එම ස්ථානයට පැමිණි පුද්ගලයකු මේ බව දැක , පොලිසියට කළ දැනුම් දීමකට අනුව , පොලිස් නිලධාරීන් නිලධාරීන් කණ්ඩායමක් එම ස්ථානයට පැමිණ පරීක්ෂාකොට සිද්ධියට සම්බන්ධ සැකකරුවන් සොයා විමර්ශනයක් ආරම්භ කරන ලදී . ඒ අනුව එම ස්ථානයේ සවිකර තිබූ ආරක්ෂිත කැමරාවේ රූපරාමු වලින් හඳුනාගත් දෙදෙනකු රාජගිරිය බණ්ඩාරනායකපුර ප්‍රදේශයේ නිවසක සැඟව සිටියදී මෙසේ අත්අඩංගුවට ගෙන තිබුණි .