ඩී.ජී.සුගතපාල



පිහියෙන් ඇන පුද්ගලයෙකු ඝාතනය කිරීම සම්න්ධයෙන් විත්තිකරුවෙකුට එරෙහිව පවරා තිබූ නඩුව විභාග කළ දකුණු පළාත් බද ගාල්ල මහාධිකරණ විනිසුරු මංජුල තිකලරත්න මහතා විත්තිකරු මිනි මැරිමේ චෝදනාවට වරදකරු බවට තිරණය කොට අද (09)  මරණිය දණ්ඩනය නියම  කළේය.
 
මෙසේ මරණිය දණ්ඩනය නියම  කරනු ලැබුවේ රත්නායක ගිගනගේ සුගත් නමැති විත්තිකරුවෙකුටය.
 
අහංගම පොලිස් වසමේ කෝදාගොඩදී 2005 පෙබරවාරි 22 වැනි දින කෝදාගොඩ අද්දරගේ මහේෂ් අමරකීර්ති නමැති තිදරු පියාට  පිහියෙන් ඇන ඝාතනය කිරිම සම්බන්ධයෙන් විත්තිකරුට එරෙහිව ගාල්ල මහාධිකරණයේ අධි චෝදනා ගොනු කර තිබිණි.
 
මියගිය අය හිටපු හමුදා සෙබලෙකු වන බවත් විවාහයෙන් පසු කනංකේ බිරිඳගේ නිවසේ පචිංචිව සිටි බවත් එසේ සිටියදි සිද්ධියවු දින සවස හයයි හතළිස් පහට පමණ   කෝදාගොඩ ප්‍රදේශයේ මළ ගෙදරක යන බව පවසා නිවසින් පිටව ගොස් ඇති බවත් පසුව රාත්‍රි හතයි තිහට පමණ ඔහුගේ මවට කැගසන ශබ්දයක් ඇසි එම ස්ථානයට දුව යනවිට  මියගිය අය තුවාල ලබා  පාරේ වැටි සිටි බවත් නඩු විභාගයේදි අනාවරණය විය.