(අජිත්ලාල් ශාන්තඋදය)

යුද්ධයේ දී පාද අහිමි වූ රණවිරුවන් වෙත කෘත්‍රීම පාද ලබාදීමේ වැඩසටහනක්    සබරගමු පළාත් සභා ශ‍්‍රවණාගාරයේ දී ක‍්‍රියාත්මක විය.

කෘත්‍රීම පාදයක් භාවිත කළ හැක්කේ ටික කාලයක්ය. එහෙත් පාද අහිමි රණවිරුවන්ට කෘතීම පාද  වසරින් වසර හෝ ඊට ආසන්න කාලයක් තුල නැවත අලූතින් ලබාගැනීමට යන වියදම දරාගැනීමට අපහසුය.

මේ හේතුවෙන් සබරගමුව සහ ඌව යන දෙපළාතේ පදිංචි පාද අහිමි රණවිරුවන් තිස් පස් දෙනෙකුට අලූතින් කෘතීම පාද ලබාදීමට මෙදින කටයුතු කරනු ලැබීය.

රණවිරු සේවා අධිකාරිය මෙම කෘතීම පාද සදහා යන වියදම දරනු ලබයි. කෘතීම පාද සාදාදිමට අවශ්‍ය මිනුම් කටයුතු මෙදින සිදුකෙරුණේ ඒවා නිෂ්පාදනය කරන මිනුවන්ගේ ශක්ති ආයතනයේ නිලධාරීන් විසිනි. 

බරගමු පළාත් ආණ්ඩුකාර ටිකිරි කොබ්බෑකඩුව මහතා ද ඒ අවස්ථාවට පැමිණ ආබාධිත රණවිරුවන් සමග අදහස් හුවමාරු කරගත්තේය.

රණවිරුසේවා අධිකාරියේ සබරගමු පළාත් නිලධාරී රෝහණ විජේරත්න, දිස්ත‍්‍රික් නිලධාරීවරුන්වන ආර්.ජී. ජයවික‍්‍රම සහ දර්ශන ජයසිංහ යන මහත්වරු ද මෙම අවස්ථාවට එක්ව සිටියහ.