( ප්‍රියානි මංගලිකා )

ආසාදිතයන්  දෙදෙනෙකු වාර්ථා වූ , කොටවෙහෙර  නගරයේ හෝටල් ව්‍යාපාරික ස්ථාන මේවන විට විවෘත   කර ඇති අතර ,ආපන ශාලා තුල ආහාර ගැණීම මෙන්ම තේ පානය කිරීමද සම්පූර්ණයෙන්ම තහනම් කර ඇති බව කොටවෙහෙර සෞඛ්‍ය වෛද්‍ය නිලධාරී කාර්යාලය අද (16)පැවසීය.
                       
පිසූ  ආහාර පාර්සල් ලෙස පාරිභෝගිකයන්ට රැගෙන යාහැකි අතර සෙසු බේකරි නිශ්පාදන ද ඒ අයුරින් රැගෙන යාහැකි  අතර,ඒ සියල්ල ලබා දී ඇති සෞඛ්‍යාරක්ෂිත ක්‍රමවේදයන්ට අනුගතව සිදුකල යුතු බවට ව්‍යාපාරිකයන්ට උපදෙස් ලබා දී ඇති බවද එම කාර්යාලය පවසයි.
                          

කොටවෙහෙර සෞඛ්‍ය වෛද්‍ය නිලධාරී වෛද්‍ය කෝසල පෙතියාගොඩ මහතාගේ උපදෙස් අනුව ,මහජන සෞඛ්‍ය පරීක්ෂක මහතුන් වන වසන්ත ජයලත් ,විදුල මධුශංක බංඩාර, බුද්ධික  විතානගේ  යන නිලධාරීන්  පරීක්ෂණ සිදු කෙරේ.


========