විල්පත්තු මායිමේ පිහිටි ඓතිහාසික තන්තිරිමලේ ලංකාදීප ආලෝක පූජාව 12 වැනි වරටත් ජුනි පළමු වැනි දා සහ දෙවැනි දා පැවැත්වේ.
ක්රිස්තු පූර්ව 543 සඟමිත් තෙරණිය උතුරේ දඹකොල පටුනේ සිට මල්වතු ඔය ඔස්සේ අනුරාධපුරය දක්වා ශ්රී මහා බෝධියේ දක්ෂිණ ශාඛාව වැඩමවාගෙන එද්දී එවකට තිවක්ක බමුණුගම නමින් හැඳින්වූ තංතිරිමලේ ගල් තලාවේ රැය පහන් කළ බව ඉතිහාසය කියයි.
තන්තිරිමලේ චන්දරතන තන්තිරිමලේ රාජ මහා විහාරාධිපති නාහිමියන්ගේ අනුශාසකත්වයෙන් සීමා සහිත විජය පුවත්පත් සමාගම මේ ආලෝක පූජාව පවත්වයි.
හිටපු ඇමැතිවරයකු වූ සිරිල් මැතිව් මහතා මහ වන මැද පිහිටි මෙම පුද බිම පූජා භූමියක් බවට පත් කළේය. අපවත්වී වදාළ කුඩාකෝංගස්කඩ විමලඥාන නාහිමියන් 1960 දී මැදවච්චියේ සිට ගැමියන් පිරිසක් ද සමඟ පැමිණ වල් බිහි වී තිබූ මෙම පුදබිම සොයා ගත්තේය.
විහාරස්ථානය ගොඩ නැගී ඇත්තේ අක්කර 250ක මහා ගල්තලාවක් මැදය. අඩි 45ක් දිග ශෛලමය සැතපෙන පිළිමයක් ද, අඩි අටක් උස සමාධි පිළිමයක් ද, පොත් ගුලක්, පධානඝරයක්ද, භාවනා කුටි, ප්රාග් ඓතිහාසික යුගයේ බව කියන ලෙන් සිතුවම් ද එහි ඇත.
අනුරාධපුර තිසාවැව අසල සිට ඇලයාපත්තුව ඔස්සේ මහ විලච්චිය ගමට ළඟා වීමේදී තන්තිරිමලේ පුද බිම හමුවේ. අනුරාධපුරයේ සිට දුර කිලෝ මීටර 45කි.
(ඡායාරූප අතුල බණ්ඩාර)
(පුස්තකාල ඡායාරූප දෙකකි)
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
තන්තිරිමලේ ආලෝක පූජාව ජුනි 01,02
බණ්ඩාර කුවේට් Sunday, 24 May 2015 03:36 PM
මා උපන් ජීවත්වෙන පින් බිම සාදු සාදු (නදී)
උපුල් Sunday, 24 May 2015 04:04 PM
පොසොන් එකට එන්න.තන්තිරිමලේ වඳින්න බලන්න වගේම විඳින්න වටිනා තැනක්. තන්තිරිමලේ ගැන මුළු ලෝකෙම දැනගත්තේ මුලින්ම ලංකාදීප පත්තරෙන් (නි)
සම්පත් Thursday, 28 May 2015 02:20 AM
සියල්ලෝම පැමිනෙත්වා(නදී)
වසන්ත Sunday, 24 May 2015 09:50 PM
සාධු සාධු සාධු!!! (නි)
කුමාර Wednesday, 27 May 2015 04:16 PM
සාධු, සාධු, සාධු.(හේ)
මොවින්ද Monday, 25 May 2015 03:57 AM
සාධු සාධු !!! මෙ පින් බලෙන් සියල්ලොම සුවපත් වේවා (ම)