(ඉන්දිකා රාමනායක)

රුපියල් ලක්ෂ  10  වැඩි වටිනා කමකින් යුතු වියලි කහ තොගයක් පයාගල   මග්ගොන මුහුදු වෙරළේ තිබී විශේෂ කාර්ය බලකාය විසින් අත්අඩංගුවට ගනු ලැබීය.

අත්අඩංගුවට ගත් කහ තොගය අතර කිලෝ 170 ප්‍රමාණයක් තිබූ බව විශේෂ කාර්ය බලකාය පවසයි.

විදේශ රටක සිට ආනයනය කර තිබූ මෙම කහ තොගය මෝටර් රථයකින් ප්‍රවාහනය කිරීමට සූදානමක් සූදානමක් ඇති බවට විශේෂ කාර්ය බලකායේ අලුත්ගම කඳවුරට ලැබුණු තොරතුරකට අනුව නිලධාරීන් පයාගල පොලිස් වසමට අයත් මග්ගොන මුහුදු ප්‍රදේශයේදී සිදුකළ වැටලීමකදී මෙම කහ තොගය අත්අඩංගුවට ගෙන ඇත 

විශේෂ කාර්ය බලකාය අණදෙන නිලධාරී නියෝජ්‍ය පොලිස්පති නීතිඥ වරුණ ජයසුන්දර මහතාගේ සෘජු අධීක්ෂණය යටතේ ,කළුතර කලාපය භාරව කටයුතු කරන ජ්‍යෙෂ්ඨ පොලිස් අධිකාරි අතුල රත්නායක මහතාට ලද තොරතුරකට අනුව විශේෂ කාර්ය බලකාය අළුත්ගම කඳවුරේ කදවුරු අණදෙන නිලධාරී පොලිස් පරික්ෂක ජේ.ඩී.ඩබ්.එස්. ජයකොඩි ඇතුළු නිලධාරීන් කණ්ඩායමක් විසින් මෙම වැටලීම සිදු කළ බව විශේෂ කාර්ය බලකාය පවසයි.

 මෙම කහ තොගය මෝටර්  රථයකින්  ප්‍රවාහනය කිරීමට සූදානම් වූ සැකකරුවන් දෙදෙනකු ද අත්අඩංගුවට ගෙන ඇති අතර  එම සැකකරුවන්    මිරිස්වත්ත, , උඩුගම්පල ප්‍රදේශවල  පදිංච් කරවන්දබවද  පැවසේ.

අත්අඩංගුවට සැකකරුවන්  හා කහතොගය  වැඩිදුර විමර්ශන කටයුතු සඳහා පයාගල පොලිස් ස්ථානය වෙත වෙත භාර දී ඇත.