රොටරියට යට වී ගොවියා මරුට

(විමුක්ති සංජය පෙරේරා )

රිදීමාලියද්ද ඌරණිය දිවුල්අළුව වේල්යායේ කුඹුරක ට්‍රැක්ටරයක සීසාමින් සිටි (63) හැවිරිදි පුද්ගලයෙකු ට්‍රැක්ටරයේ රොටරියට හසුවි මියගොස් ඇතැයි රිදීමාලියද්ද පොලිසිය පවසයි .

මෙසේ මියගොස් ඇත්තේ 12 කණුව ඌරණිය ,මහියංගණ යන ලිපිනයේ පදිංචි හේරත්මුදියන්සේලාගේ ධර්මදාස (63) හැවිරිදි තිදරු පියෙකි.

ඔහු සිය ට්‍රැක්ටර් රථයෙන් සී සාමින් සිටියදි පිටුපස සවිකළ තිබු රෝටලියේ ඇතිවු කාර්මික දෝෂයක් හෙතුවෙන් රෝටරිය ඉහලට ඔසවා ට්‍රැක්ටර් රථයේ යටට ගොස් එය සකසමින් සිටියදි එකවරම රෝටරිය පහත්වීමෙන් එයට යටවි මියගොස් ඇතැයි මුලික විමර්ශන වලදි අණාවරණය වු බව පොලිසිය කියයි.

අදහස් (1)

රොටරියට යට වී ගොවියා මරුට

M.H.Deeganatha Saturday, 08 January 2022 06:46 AM

රෝද 4 ට්‍රැක්ටර් මිලදී ගන්නන්ට ඒවා ලබාදෙන්නන් ඒවා ක්‍රියාකළයුතු ආකාරයන් ගැන කිසිඳු ප්‍රායෝගික දැනුමක් ලබාදෙනවා දකින්නට නැහැ. 1960 කාලයේ දී නිවැරදි උපදෙස් ප්‍රායෝගිකවම එකල එම සමාගම් විසින් ලබා දුන්නා. කොකු 9යේ නගුලෙන් සීසා පුරුදු රියදුරන්, රොටරි නගුලෙන් ද සීසාන ආකාරයෙන් එය ඉතා පැහැදිලියි. එන්ජිම පණගන්වා හෝ නොමැතිව තිබෙන විටෙක වුවත්, ඔසවා තිබෙන නගුලක් එය ක්‍රියාත්මක ලීවරය පහළට වැටීමේ අවදානම නොසැලකීම මෙම කණගාටුදායක සිදුවීමට හේතුව බව දකිනවා. සෑම ට්‍රැක්ටර් හිමියෙක් මෙන්ම රියදුරන්ද, කෘෂිකර්ම දෙපාර්තමේන්තුවේ මහ ඉලුප්පල්ලම, ගොවිපල යාන්ත්‍රික පුහුණු මධ්‍යස්ථානයේ පුහුණුව ලබා ගැනීමට යොමුවෙනවා නම් මෙවැනි අනතුරු බොහොමයක් වැළැක්වේවි..!

: 0 4