(හිරාන් ප්‍රියංකර ජයසිංහ)
 
කොට්ටුකච්ච්ය ගල්කුලම ප්‍රදේශයේ අද(26) ත්‍රි රෝද රථයක්, මෝටර් රථයක ගැටී වූ අනතුරින් පස්දෙනෙකු තුවාල ලබා පුත්තලම මූලික රෝහලට ඇතුළත් කළ බව පුත්තලම පොලිසිය  පවසයි.
 
අනතුරින් තුවාල ලබා ඇත්තේ කල්පිටිය නොරෝච්චෝල පදිංචි පිරිසකි.
 
මෝටර් රථය කල්අඩිය විද්‍යාලයේ විදුහල්පතිවරයා පදවා ඇති බවත්, පාසල නිමවී ආණමඩුව සිට පුත්තලම දක්වා ගමන් කරමින් සිටියදී වාහන දෙක ගැටී ඇති බව කියයි.
 
අනතුරින් ත්‍රි රෝද රථයේ රියදුරා බරපතල තුවාල ලබා සිටි බවත් එහි ගමන් කළ කාන්තාවන් තිදෙනෙකු සහ කුඩා දරුවකුද තුවාල ලබා ඇති බවත් පොලිසිය කියයි.
 
අනතුරින් ත්‍රි රෝද රථයට හා මෝටර් රථයට දැඩි හානි සිදුව ඇත.
 
අනතුර සම්බන්ධයෙන් පුත්තලම මූලස්ථාන පොලිසියේ රථවාහන අංශයේ පරීක්ෂණ පවත්වයි.