(නිමල කොඩිතුවක්කු )

ආණ්ඩුව පත්ව වසරක් ගත වුණත් රට වෙනුවෙන් කිසිදු සංවර්ධන ව්‍යාපෘතියක් සිදු කර නොමැති බව කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් මහතා පැවසීය.

වත්මන් රාජපක්ෂ ආණ්ඩුව යහපාලන කාලයේ ව්‍යාපෘති විවෘත කරමින් අනුන්ගේ දරුවන්ට උප්පැන්න දෙමින් සිටින බවද ඔහු සඳහන් කළේය.

කොළඹ මාක්ස් ප්‍රනාන්දු මාවතේ පිහිටි  විපක්ෂ නායක කාර්යාලයේ  අද(08) පැවති මාධ්‍ය හමුවකට එක්වෙමින් ඔහු මේ බව පැවසීය.

එහිදී වැඩිදුරටත් අදහස් දැක්වූ කොළඹ  දිස්ත්‍රික් පාර්ලිමේන්තු මන්ත්‍රී මුජිබර් රහුමාන් මහතා මෙසේද කීවේය.

"මන්නාරමේ ඉදිකරන ලද සුළං විදුලි බලාගාරය අගමැතිගේ ප්‍රධානත්වයෙන් විවෘත කරන බව විදුලිබල ඇමතිවරයා ප්‍රකාශ කරත් එය ආරම්භ කරේ කුමන රජයෙන්ද මොන කාලයේදී ද යන්න කිසිම සදහනක් නැහැ. වැඩ බැරි මේ රජය අද අනුන්ගේ දරුවන්ට උප්පැන්න ලබා දෙමින් සිටිනවා

මන්නාරම් සුළං විදුලි බලාගාරය ඉදිකිරීම් ආරම්භ කරේ යහපාලන ආණ්ඩුවේ එදා විදුලි බල ඇමැති ලෙස කටයුතු කර අජිත් පී පෙරේරා මැතිතුමාඑය අද දින විවෘත කරන බව රජය දැනුවත් එය ආරම්භ කරේ මොන රජයෙන්ද, මොන  වර්ෂයේ ද කිසිම සදහනක් නැහැ. මෙම ව්‍යපෘතිය ආසියානු සංවර්ධන බැංකුවේ  රුපියල් මිලියන 175ක සහන ණයක් හරහා ඉදිකළා. නමුත් මේ රජය පවසන්නේ ඔවුන් පත්වී මාස 3කින් බලාගාරය  ඉදිකර එකක් වගෙයි.

බලාගාරයේ ඉදිකිරීම් අවසන් අදියරේ තිබුනත් දින 52ක නීතිවිරෝධී අගමැති කෙනෙක් පත් කිරීමෙන් මෙය විවෘත කිරීමට  නොහැකි වූණා. මෙ⁣ම බලාගාරය තුලින් මෙගා වෝට් 100ක විදුලි ධාරිතාවක් සැපයිය හැකියි.

මෙය ආරම්භ කරේ යහපාලන රජයෙන් බව විදුලිබල ඇමැති ඇතුළු ආණ්ඩුවට අපි මතක් කර දෙනවා.

පෑලියගොඩ මැනිං වෙළෙඳ පොල ඉදිකිරීම් ආරම්භ කරන ලද්දේ යහපාලන රජයේ චම්පික රණවක ඇමැතිතුමා විසින්. එය විවෘත කලේ මේ ආණ්ඩුව ඉදිකරන ලද එකක් ආකාරයෙන්. ඒ සදහා රුපියල් මිලියන 6.9ක් අපි වෙන් කළා. එය විවෘත කිරීමට නොහැකි වුනේත් දින 52 නීති විරොධි ආණ්ඩුව පත්වු නිසයි.

එදා රජය කඩයට කඩයක් දෙන එකගත්වය කින් ආරම්භ කරත් මේ රජය එම එකගත්වය නීති විරෝධි ආකාරයෙන් කඩ කරලා. අද වෙලෙන්දන් උද්ඝෝෂණ කරනවා.

දැන් මේ කඩ දෙන්න වෙලෙන්දන්ගෙන් කඩයක් සදහා ලක්ෂ 5ක් හා ලක්ෂ 2ක වශ⁣යෙන් මුදල් අය කරනවා. අනිත් කඩ තමන්ගේ ගජමිතුරුන්ට හා හෙන්චයියන්ට නොමිලයේ ලබා දෙන්න මේ රජය කටයුතු කරනවා" යැයිද ඔහු එහිදී පැවසීය.