(ශ්‍රීනාත් ප්‍රසන්න ජයසූරිය)

මහනුවර සිට කොළඹ බලා  ධාවනය වූ දුම්රියක දී  පාසල් සිසුවියකට  අතවර කළේ යැයි කියන  සංවර්ධන නිලධාරීයකු පොලිස් ළමා හා කාන්තා කාර්යංශයේ නිලධාරීන් කණ්ඩායමක් සැකපිට අත්අඩංගුවට ගෙන ඇත.

සැකපිට අත්අඩංගුවට ගෙන ඇත්තේ කුරුණෑගල, පොල්ගහවෙල ප්‍රදේශයේ පදිංචි 37 හැවිරිදි විවාහක අයෙකි.

සැකකරු මාසයක් වයසැති දරුවෙක් සිටින පියෙකි.

ලිංගික අතවරයකට පත් වූ බව කියන සිසුවිය කොළඹට නුදුරු ප්‍රධාන පෙළේ බාලිකා විද්‍යාලයක ඉගෙනුම ලබනබව පොලීසිය කියයි.

මෙම සිසුවිය වෛද්‍ය පරීක්ෂණයකට යොමු කළ බව පොලිසිය පැවසීය.