(එච්  චන්දන )

දළුව - නිර්මලපුර ප්‍රදේශයේ නත්තල් සාදයක් අතර තුර ඇතිවූ බහින් බස්වීමකින් අනතුරුව පහර කෑමට ලක්ව ඇති ආධුනික පොලිස් කොස්තාපල්වරයෙකු ප්‍රතිකාර සදහා පුත්තලම මූලික රෝහලට ඇතුළත් කිරීමෙන් අනතුරුව රෝහලෙන් පලා ගොස් ඇති බව පුත්තලම පොලීසිය  පවසයි.

පහර කෑමට ලක්ව ප්‍රතිකාර සදහා රෝහලෙන් පලා ගොස් ඇත්තේ ආධුනික පොලිස් කොස්තාපල් වරයකු වන අතර ඔහු නො‍රොච්චෝලේ පොලීසියට අනියුක්තව සේවය කරමින් සිට අයෙකි

සිද්ධියට මුහුණ දී ඇති අධුනික පොලිස් කොස්පල්වරයා ඉකුත් 25 වැනිදා පෙරවරුවේ නොරොච්චෝලේ පොලීසියේ සේවයට වාර්තා කර ඇත.

එදින ඔහු දුෂණ මර්ධන රාජකාරියේ නිරතව සිට ඇත.රාත්‍රී කාලයේ එම නිලධාරියා තම මිතුරන් කීප දෙනෙකු සමග සාදයකට සහභාගි වී සාදයේදී සිදුවී ඇති බහින් බස්වීමකින් පසුව එම ස්ථානයේ සිටි කීපදෙනෙකු විසින් පොලිස් නිලධාරියාට සහ ඔහු සමග පැමිණි අයෙකුට පහර දීම සිදු කර ඇත. පසුව පොලීසියට ලැබුණ තොරතුරකින් පැමිණි පොලිස් නිලධාරීන් ඔහු රෝහල්ගත කර තිබේ.