’ස්ටාර් ලින්ක්’ බලපත නිකුත් කරන්න මහජන අදහස් විමසයි

(ජේ.ඉඳුරුවගේ)

ශ්‍රී ලංකාවේ චන්ද්‍රිකා පුළුල් පරාස දත්ත සේවාව සැපයීම සඳහා ඉල්ලුම් කර ඇති සීමාසහිත ස්ටාර් ලින්ක් ලංකා පුද්ගලික සමාගම වෙත අදාල බලපත්‍රය ලබාදීම පිළිබඳව මහජන අදහස් විමසීමට විදුලි සංදේශ නියාමන කොමිෂන් සභාව තීරණය කරයි.

ඒ අනුව මහජනතාවට සහ විදුලි සංදේශ ක්ෂේත්‍රයේ නියැලෙන්නන්ට මේ පිළිබඳව සිය අදහස් හා විරෝධතා ඇත්නම් ඒවා ජුනි 24 දක්වා මෙම කොමිෂන් සභාව වෙත ඉදිරිපත් කළ හැකි බව විදුලි සංදේශ නියාමන කොමිෂන් සභාව දැනුම් දෙයි.

එලෙස ලැබෙන අදහස් හා විරෝධතා සළකා බැලීමෙන් පසු අදාල නීති රීති හා කොන්දේසිවලට එකඟව ස්ටාර් ලින්ක් සමාගමට චන්ද්‍රිකා තාක්ෂණය පදනම් කරගත් අන්තර් ජාල දත්ත සේවාව දිවයින තුළ ක්‍රියාත්මක කිරීම සඳහා වූ බලපත්‍රය නිකුත් කිරීමට සළකා බලමින් සිටින බව වාර්තා වේ.

අදහස් (2)

’ස්ටාර් ලින්ක්’ බලපත නිකුත් කරන්න මහජන අදහස් විමසයි

ලලිත් Sunday, 09 June 2024 04:09 AM

මිනිස්සු කැමති වුණත් නැතත් ගිවිසුම ගහන්න ඕන ඡන්දෙන් පස්සේ.. නැතිනම් මුන් අර සංචාරක වීසා වලින් වගේ ඉල්ලන් මස්ක් ගෙනුත් මැරෙනකල් බැංකුවට ගාණක් එන්න හදා ගනී.

: 0 0

Ruwan Sunday, 09 June 2024 09:41 AM

මේ තමයි වසරේ විහිළුව. ඉතින් ඔය විදියටම පුළුවන්නේ මහජනතාවට අනෙකුත් අන්තර්ජාල සේවා සපයන්නන්ගෙන් වෙන අසාධාරණය ගැනත් අදහස් විමසන්න. ඇයි එහෙම නොකර ඉන්නේ. මේ රටේ දුරකථන සහ අන්තර්ජාල සේවා සපයන්නන් ඉතාමත් කපටි සහ අසාධාරණ විදියට මිනිස්සුන්ගේ මුදල් ගසාකනවා. ඉතාමත් පහත් මට්ටමේ පහසුකම් ඉතා ඉහළ මිල ගණන්වලට ලබලා දෙන්නේ ආසියාවෙන්ම ලංකාවේ විතරයි.

: 1 87