(අංජුල මහික වීරරත්න)

සමගි ජන බලවේගයේ අසමගිය පෙන්නුම් කරමින් ඉදිරිපත් කළ මැතිවරණ ප්‍රතිපත්ති ප්‍රකාශ දෙකේ සඳහන් කරුණු එකිනෙකට පරස්පර විරෝධී බව ජනාධිපති රනිල් වික්‍රමසිංහ මහතා මතුගමදී පැවසීය.

සජබෙ එක කල්ලියක් සැමට ජයක් යනුවෙන් ප්‍රතිපත්ති ප්‍රකාශය ඉදිරිපත් කරද්දී අනෙක් කල්ලිය "Bulu print 03" යනුවෙන් ප්‍රතිපත්තියක් ඉදිරිපත් කර තිබෙන බව කී ජනාධිපතිවරයා එක පැත්තක ජී .එල් සහ නාලක ගොඩහේවා සිටින අතර අනෙක් පැත්තේ හර්ෂ ,එරාන් සහ කබීර් සිටින නමුත් මේ දෙපාර්ශවයම යා යුතු ඉසව්වක් ගැන හරියාකාරව නොදන්නා බව සඳහන් කළේය.

තමාට සිටින "ටීම් එක" කවුදැයි ප්‍රශ්න අසන බව කී ජනාධිපතිවරයා ජනාධිපති ඡන්ද තියන්නේ ටීම් තෝරන්න නොව ජනාධිපති තෝරන්න යැයි පැවසීය.

ඊළඟ මහ මැතිවරණයේදී ටීම් එක තෝරා එවන්නට ජනතාවට අයිතිය ලැබෙන බවද ජනාධිපතිවරයා සඳහන් කළේය.