( ෂේන් සෙනෙවිරත්න)

මහනුවර දිස්ත්‍රික් පාර්ලිමේන්තු මන්ත්‍රී වසන්ත යාපා බණ්ඩාර මහතාට ජංගම දුරකථන අංක දෙකක් භාවිතා කරමින් බැන තර්ජනය කිරීමේ සිද්ධියක් සම්බන්ධයෙන් ඔහු විසින් මහනුවර මූලස්ථාන පොලිසියට පැමිණිල්ලක් කර තිබේ.

ඒ මහතාට අද (18) අලුයම 12.30 සිට එම තර්ජනාත්මක දුරකථන ඇමතුම් ලැබුණ බවත් එය ලබා දුන් දුරකථන අංක දෙක ද සමඟ පැමිණිලි කොට තිබේ .

එම තර්ජනාත්මක දුරකථන ඇමතුම් ලබා දෙනු ලැබූයේ කාන්තාවක් විසින් බවද පැමිණිල්ලේ සඳහන්ය .

මහනුවර කොට්ඨාස භාර ජ්‍යෙෂ්ඨ පොලිස් අධිකාරි අනුරුද්ධ බණ්ඩාරනායක මහතාගේ උපදෙස් පරිදි මූලස්ථාන භාර ප්‍රධාන පොලිස් පරීක්ෂක රසික සම්පත් මහතාගේ මෙහෙයවීම යටතේ සිද්ධිය සම්බන්ධයෙන් වැඩිදුර විමර්ශන සිදු කෙරේ .