වල් අලි ප්‍රහාරයෙන් සිව් දරු මවක් මරුට

(දයානන්ද අධිකාරි)

මංගලගම 27 කණුව ප්‍රදේශයේදී අද උදේ 7.30ට පමණ වන අලියකු පහරදීමෙන් කාන්තාවක ජීවිතක්ෂයට පත්ව ඇතැයි මංගලගම පොලිසිය පවසයි.

මෙසේ මියගොස් ඇත්තේ ඩී එම් ඉන්ද්‍රාවතී (අවුරුදු 50 )නැමැති මංගලගම 26කණුව ලිපිනයේ පදිංචි සිව්දරු මවකි.

කජු වගා කර ඇති වත්තෙ දිනපතා කජු ඇහිදීම මේ දිනවල ඇය විසින් සිදු කරයි.

ඇය තම වත්තෙ කජු එකතු කිරීමට ගොස් ඇති අතර වන අලියකු සිටින බව දැනගත් පසු ඇය ජීවිතය බේරා ගැනීම සඳහා දිව ගියද අලියා පහරදී මරා ඇති බව පොලිස් පරීක්ෂණවලදී හෙළි විය.

ඇය විසින් කජු ඇහිඳීම සඳහා භාවිතා කළ බකට් එකක් පාවහන් යුගල හා ජංගම දුරකථනය තැන් තැන් වල වැටී තිබුණු අයුරු දක්නට ලැබුණි.

අදහස් (2)

වල් අලි ප්‍රහාරයෙන් සිව් දරු මවක් මරුට

පැරකුම් Monday, 26 June 2023 05:17 AM

මේ මොන අපරාධයක්ද. වන සතුන්ද සිටිය යුතු නමුත් කිසියම් පාලනයක් සීමාවක් තිබිය යුතුය. විශේෂයෙන්ම අලි ගහනය අතිශයින්ම සීමා කල යුතුය. එසේම ගම වට කර අලි කානුවක් දැමීමෙන් වන අලි ගම්වැදීම ඉතා ලෙහෙසියෙන් පාලනය කල හැකි බව අපි අත්දැකීමෙන් දනිමු. ඒ බව වනජීවිය හොදින් දනී. ඒත් අලි කානුවට නැති කොමිස් අකාර්යක්ෂම අසාර්ථක අලිවැටට ඇත. ප්‍රමුඛත්වය දියයුත්තේ මිනිසාට මිස අලියාට නොවේ…!

: 1 1

Bunny Preena Monday, 26 June 2023 09:30 AM

අලින් නිතරම ගැවසෙන ප්‍රදේශයක් වත්තට රිංගන්න ඉස්සෙල්ලා පොඩ්ඩක් විමසිලිමත් වෙන්න තිබුනා

: 0 0