(අංජුල මහික වීරරත්න)

විනිශ්චකාරවරුන්ගේ විශ්‍රාම වයස වැඩි කිරීමේ තීරණයට එරෙහිව එක්සත් ජාතික පක්ෂ කෘත්‍යාධිකාරී මණ්ඩලයේදී යෝජනාවක් සම්මත කර ගැනීමට එජාපය තීරණය කර තිබේ.

මේ අනුව හිටපු ජනාධිපති එක්සත් ජාතික පක්ෂ නායක රනිල් වික්‍රමසිංහ මහතාගේ ප්‍රධානත්වයෙන් හෙට (6) පස්වරුවේ රැස්වීමට නියමිත එක්සත් ජාතික පක්ෂ කෘත්‍යාධිකාරී මණ්ඩලයට මෙම යෝජනාව ඉදිරිපත් කිරීමට නියමිතය.

විනිශ්චකාරවරුන්ගේ විශ්‍රාම වයස දීර්ඝ කිරීමෙිදී අනුගමනය කළ යුතු ක්‍රමවේද සම්බන්ධයෙන් එජාප කෘත්‍යාධිකාරී මණ්ඩලයට මෙහිදී යෝජනා ඉදිරිපත් කෙරෙන අතර ආණ්ඩුව එම යෝජනා වලට අනුකූල වන්නේ නම් ඊට එකඟතාව පළ කළ හැකි බව එජාප ජ්‍යෙෂ්ඨ  ප්‍රකාශකයෙක් පැවසීය.

කොළඹ මල් පාර දේශපාලන කාර්යාලයේදී හෙට පස්වරු 4 ට එජාප කෘත්‍යාධිකාරී  මණ්ඩලය රැස්වීමට නියමිතය.