( කේ බුද්ධික කුමාරසිරි)

පාදුක්ක වටරැක සමනලතැන්න ප්‍රදේශයේ නිවසක වහලයේ වැහිපීලි වෙල්ඩින් කිරීමේ කටයුත්තක් සිදු කරමින් සිටි පුද්ගලයෙකුට විදුලි සැර වැදී මියගොස් ඇතැයි මීගොඩ පොලිසිය පවසයි.

මියගිය පුද්ගලයා යකඩ ඉනිමගක නැගී වෙල්ඩින් කරමින් සිටියදී විදුලිය ලබා ගැනීමට ඇද තිබූ  වයරයක පළුදු වී තිබූ ස්ථානයකින් විදුලිය කාන්දු වී මෙලෙස විදුලි සැර වැදී මියගොස් ඇතැයි ද සිදුකළ මූලික විමර්ශණයේදී අනාවරණය වූ බවද පොලිසිය පවසයි.

විදුලිසර වැදීමෙන් අනතුරුව නිවසේ සිටි පුද්ගලයන් විසින් වෙල්ඩින් බාස්වරයා පාදුක්ක ප්‍රාදේශීය රෝහලට ඇතුළත් කිරීමෙන් පසු මියගොස් ඇත. මෙලෙස මියගොස් ඇත්තේ කැප්පෙටිපොළ අබේපුර ප්‍රදේශයේ පදිංචිකරුවකු වන ඇත්දත් කඳුර කාලිංග මෙන්ඩිස් නමැති 34  හැවිරිදි දෙදරු පියෙකි