විදුලි බිලට සහනයක්

(යොහාන් භාසුර)
පසුගිය වසරේ ඔක්තෝබර් මාස සියයට 18 කින් ඉහළ දැමූ විදුලි ගාස්තුවෙන් සියයට 50 ක් පමණ හැකි ඉක්මණින් අඩු කරන බව විදුලිබල මණ්ඩලයේ මාධ්‍ය ප්‍රකාශක නන්දික පතිරගේ මහතා අද (4) පැවසීය.
පසුගිය මාස තුනක කාලය තුළ අඛණ්ඩව ලැබුණු වාර්ෂාවේ වාසිය ජනතාවට දීමට විදුලිබල මණ්ඩලය කටයුතු කරමින් සිටින බවත් ඒ අනුව ජලයෙන් විදුලිය ජනනය කිරීමෙන් ලැබූ ලාභය අනිවාර්යෙන් මහජනතාවට ලැබිය යුතු යන තීරණයේ ලංකා විදුලිබල මණ්ඩලය සිටින බවත් ඒ මහතා කීය.
විදුලි ගාස්තු අඩුකිරීමේ යෝජනාව මේ මස 15 වැනිදාට පෙර මහජන උපයෝගිතා කොමිසමට යොමු කරන බවත් ඒ මහතා සඳහන් කළේය.
විදුලිබල මණ්ඩලයේ පසුගිය වසරේ අවසන් ගිණුම් වාර්තාවල අන්තර් ගිණුම් වාර්තාක් මේ වන වි සකස් කරමින් සිටින බවත් එම වාර්තා සකස් කළ වාහාම විදුලි ගාස්තු අඩු කිරීමේ යෝජනාව මහජන උපයෝගිතා කොමිසමට යොමු කළ හැකි බවත් ඒ මහතා කීය.

අදහස් (6)

විදුලි බිලට සහනයක්

Amal Thursday, 04 January 2024 02:54 PM

පයිතගරස් හිටියා නම් සියදිවි හානි කරගනියි... මොවුන්ගේ සියයට 18ක් රටේ වැඩිකිරීම් සහ සියයට 50 හේ අඩුකිරීම දැකලා !!!

: 5 27

ravinThursday, 04 January 2024 03:18 PM

පොඩ්ඩක් හරියට කියවලා තෙරුම් ගත්තොත් තමා හොඳ. මට තේරෙන විදියට වැඩිකරපු 18% ටෙන් 50% හෙවත් 9% තමා අඩුවෙන්නෙ.

: 0 30

jayaThursday, 04 January 2024 04:04 PM

හරියටම හරි. මේකත් අර 75% විතරයි වැඩි කලේ වගේද දන්නෑ. බිල 4 ගුනේකටත් වඩා දැන් වැඩියි... අවුරුදු එක හමාරකට ඉස්සෙල්ලා තිබුණාට වඩා...!

: 0 11

Aravinda Monarawila Thursday, 04 January 2024 04:54 PM

පිනාටයි, එයාගේ අර කොලු ගැටයාටයි සියයට ගණන් කියලා දෙන්න කවුරුවත් නැද්ද?

: 2 10

fairoos Thursday, 04 January 2024 06:13 PM

වැඩිකරනකොට හිතුමතේ වැඩිකරලා අඩුකරනකොට විතරක් කල් මරනවා.

: 0 1

Bamunuarachchi Friday, 05 January 2024 03:32 AM

අඩු කළායින් පසු කථා කරන්නම්...!

: 0 2