(අංජුල මහික වීරරත්න)
ශ්රී ලංකාව සඳහා ආගාමික ශ්රම සංක්රමණ ප්රතිපත්තියක් සකස් කිරීමට කැබිනට් අනුමැතිය ලැබී ඇත.
වර්තමානයේ මෙරට ආර්ථීකයේ ඇතැම් අංශ සඳහා නිපුණතා සහිත, අර්ධ නිපුණතා සහිත සහ විශේෂඥ කුසලතා සහිත විදේශ ශ්රමිකයින් බඳවා ගැනීම සඳහා ඉල්ලීම් ඉදිරිපත් වන බව රජය පවසයි.
මේ වන විට මෙරට ආගාමික ශ්රමිකයින්ගේ සංක්රමණ නියාමනය කිරීම, ආයතන කිහිපයක් විසින් ක්රියාත්මක කරනු ලබන බහුවිධ පරිපාලන ක්රියාපටිපාටි අනුගමනය කරමින් සිදු කරනු ලබයි. මෙරට ආගාමික ශ්රම සංක්රමණය පිළිබඳ තොරතුරු මධ්යගත තොරතුරු පද්ධතියකට ඇතුළත් කිරීම මඟින් විධිමත් නියාමනයක් සිදු කිරීමේ අවශ්යතාව හඳුනාගනු ලැබ ඇත.
එකී කරුණු සැලකිල්ලට ගනිමින් ශ්රී ලංකාව සඳහා ආගාමික ශ්රම සංක්රමණ ප්රතිපත්තියක් සකස් කිරීමට යෝජනා වී තිබේ. එම ප්රතිපත්තිය මඟින් රැකියා අවශ්යතා සඳහා ශ්රී ලංකාවට පැමිණෙන විදේශීය ශ්රමිකයන් ඇතුළත් කර ගැනීම, ඔවුන් සේවයේ යෙදවීම, අධීක්ෂණය කිරීම, ආරක්ෂා කිරීම හා නියාමනය කිරීම සඳහා සම්බන්ධීකරණය වූ සහ විනිවිද භාවයකින් යුත් විධිමත් ජාතික රාමුවක් ස්ථාපිත කෙරෙනු ඇත.
එමෙන්ම, එමඟින් ශ්රී ලාංකික ශ්රමිකයන්ගේ අවස්ථා ආරක්ෂා කිරීම සහතික කෙරේ. ඒ අනුව, ශ්රී ලංකාව සඳහා ආගාමික ශ්රම සංක්රමණ ප්රතිපත්තියක් හඳුන්වා දීමටත්, ඒ සඳහා වන ප්රතිපත්ති කටුම්පත සකස් කිරීම පිණිස කම්කරු අමාත්යාංශයේ ලේකම්වරයාගේ සභාපතිත්වයෙන් යුත් මෙහෙයුම් කමිටුවක් පත් කිරීමට කම්කරු අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී.
COMMENTS
Reply To:
Sisira - cb chds hcdsh cdshcsdchdhd
හොද වැඩක්,,ඒ වගේම පිටරට වැඩකරන ජනතාවගේ ප්රශ්න වලට විසඳුම් මෙම රජය බලයට පත්වීමෙන් අපි හැමෝම බලාපොරොත්තු උනා ඒත් තවම කිසිම වැඩ පිළිවෙලක් සකස් කර නැත,, සයිප්රස් වැඩකරන ශ්රී ලාංකික යන්ගෙන් සෑම මසකම සොසල් ඉන්සුවරන්ස් එකට පඩියෙන් කපනවා හැබැයි අනිත් රටවල් වල අයට අව්රුද්ද අවසානයේ එම කපන ලද මුදල් නැවත ලබාදෙනවා ලංකාවේ අයට දෙන්නෙ නෑ ඒ ගොල්ලො කියන්නේ කලින් ආණ්ඩුව මෙහෙ ආණ්ඩුවත් සමග අදාල ගිවිසුමට අත්සන් කරලා නැති නිසා මුදල් ගෙවන්න බෑ කියලා,, පුළුවන් කෙනෙක් මෙ ගැන ආණ්ඩුව දැන්වත් කරන්න.
හොඳයි. ඒක අත්යවශ්යයි. එතකොට නීති විරෝධී සේවකයින් අල්ලන්න ලේසියි.
රටේ ඉන්න අයට ජොබ් නැතිව ඉදිද්දී, පිටරටින් බුරුතු පිටින් ගේන්න වගේ හදන්නේ, ඉන්දියන් අයට ජොබ් දීලා ඔවුන්ව ආරක්ෂා කරන්නද ඔය නීති ගේන්නේ? අනේ අනුරයෝ ඔයා ඉන්දියන් ඒජන්ට්ද මේ රටේ... මකබෑවිලා යන්න...