(නිමල කොඩිතුවක්කු)

රට බංකොළොත් කිරීමට හේතු වූ පුද්ගලයන්ගේ ප්‍රජා අයිතිය අහෝසි කරන ලෙසත්, ඔවුන්ට තවදුරටත් රාජ්‍ය අනුග්‍රහය යටතේ වරදාන වරප්‍රසාද ලබා නොදෙන ලෙසත්  රට බංකොලොත් වීම නිසා අගතියට පත් ලක්ෂ 220ක් වූ ජනතාවට වන්දි ලබා දෙන ලෙසත් ඉල්ලා සමගි ජන බලවේගය විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් කොළඹ කොටුවේදී අද (23) අත්සන් ව්‍යාපාරයක් ආරම්භ කළේය. 

ගෝඨා මහින්ද බැසිල් ඇතුළු රට බංකොලොත් කළ පාපතරයින් ට වහාම නීතිය ක්‍රියාත්මක කරන්නැයි ඉල්ලමින් "යුක්තිය වෙනුවෙන් ජනමතය"මඇයෙන් එම අත්සන් ව්‍යාපාරය සංවිධානය කර තිබිණි.

මෙහි දී මහා සංඝරත්නය, පාර්ලිමේන්තු මන්ත්‍රීවරුන්, ඇතුළු විශාල පිරිසක් මෙම මහජන පෙත්සම සඳහා අත්සන් කරනු ලැබීය.

(ඡායාරූප: ශාන්ත රත්නායක)