(අංජුල මහික වීරරත්න)

ජනාධිපතිවරණයක් පැවැත්වුවහොත් මෙවර සජිත් ප්‍රේමදාස මහතාට හැංගෙන්න සිදුවන්නේ කොංගෝ වනාන්තරයේ බව එක්සත් ජාතික පක්ෂ මහලේකම් පාලිත රංගේ බණ්ඩාර මහතා පැවසීය.

ගියවර ජනාධිපතිවරණයෙන් පසු ප්‍රේමදාස මහතා යාල කැලේ හැංගුන බව කී රංගෙ  බණ්ඩාර මහතා මෙවර ඔහුට හැංගෙන්නට යාල කැලයත් ඉඩමදි වනු ඇතැයි සඳහන් කළේය.

සජිත්  ප්‍රේමදාස මහතා  ජනාධිපතිවරණයට ඉදිරිපත් වෙන බව කලින්ම  ප්‍රකාශයට පත් කර තිබූ බව කී රංගේ බණ්ඩාර මහතා හැංගෙන්න කැලයක් ද කල් තියාම සොයාගන්නැයි කීය.

පිටකෝට්ටේ සිරිකොත එක්සත් ජාතික පක්ෂ මූලස්ථානයේ පැවැති මාධ්‍ය හමුව අමතමින් එජාප මහ ලේකම්වරයා මේ බව කීය.