(කේ. බුද්ධික කුමාරසිරි)

හිටපු අමාත්‍ය බැසිල් රාජපක්ෂ මහතාට අයත් බවට රාවයක් තිබූ දොම්පේ මල්වාන පිහිටි අක්කර 16 කින් යුත් ඉඩමට බලහත්කාරයෙන් ඇතුලු වී එහි ඉදිකර තිබූ නිවසෙහි මේ වන විට පදිංචිව සිටින අන්තර් විශ්ව විද්‍යාලයීය ශිෂ්‍ය බල මණ්ඩලයේ සිසුන් එම නිවසින් ඉවත් කර පොදු දේපලකට හානි සිදු කිරීමේ චෝදනාව යටතේ එම සිසුන් අත්අඩංගුවට ගන්නා ලෙසය නව ජනතා පෙරමුණ විසින් අද (16) දින දොම්පේ පොලිසිය වෙත පැමිණිල්ලක් සිදු කරන ලදී.

එම පෙරමුණේ නියෝජ්‍ය නායක උපතිස්ස කුමාරතුංග මහතා ප්‍රමුඛ කන්ඩායමක් පැමිණ එම පැමිණිල්ල සිදු කර ඇත.

එසේම දොම්පේ ප්‍රාදේශීය ලේකම්වරයාද ඒ සම්බන්ධයෙන් අද (16) දින උදෑසන දොම්පේ පොලිසිය වෙත පැමිණිලි කර ඇතැයි පොලිසිය පවසයි .