(බිමල් ශ්‍යාමන් ජයසිංහ)

ප්‍රධාන පෙළේ ජාත්‍යන්තර පාසලක මෙහෙයුම් කළමනාකරුවකු පැදවූ සුඛෝපභෝගී මෝටර් රථයක් මාලිගාවත්ත හංදියේදී  යතුරු පැදි දෙකක ගැටීමෙන් එක් අයකු මිය ගොස් පොලිස් නිලධාරීයකු ඇතුළු දෙදෙනකු බරපතළ තුවාල ලැබූ බව ග්‍රෑන්ඩ්පාස් පොලිසිය කියයි.

අනතුරින් මියගොස් ඇත්තේ වැල්ලම්පිටිය ප්‍රදේශයේ පදිංචි විදුලි කාර්මිකයකු වු පි කේ පෙරේරා නමැති 52 හැවිරිදි පුද්ගලයෙකි.

තුවාල ලබා ඇත්තේ ග්‍රෑන්ඩ්පාස් පොලිසියේ රථවාහන අංශයට අනුයුක්ත සේවය කරමින් සිටි පොලිස් කොස්තාපල්වරයකු හා මාලිගාවත්ත ප්‍රදේශයේ පදිංචි වයස අවුරුදු (26) ක පුද්ගලයෙකි.

මෙහෙයුම් කළමනාකරු පොලීසිය මගින් අත්අඩංගුවට ගෙන ඇත.