(ගයාන් සූරියආරච්චි)

වත්තල ප්‍රදේශයේ හෝටලයක සේවය කළ 68 හැවිරිදි හෝටල් සේවකයකු  වත්තල පල්ලියවත්ත ප්‍රදේශයේදී තියුණු ආයුධවලින් පහර දී ඝාතනය කිරීමේ සිද්ධියක් සම්බන්ධයෙන් සැකකරුවෝ තිදෙනෙක් පෙරේදා 2 වත්තල පොලීසිය සහ පෑලියගොඩ කොට්ඨාස අපරාධ විමර්ශන අංශය මගින් අත්අඩංගුවට ගනු ලැබූහ.

මාතර වෙහෙරහේන ප්‍රදේශයේ පදිංචි 68 හැවිරිදි හෝටල් සේවකයකු එසේ ඝාතනය කර තිබු බව පොලිසිය පවසයි.

දෙමටගොඩ සහ කටුනායක යන ප්‍රදේශවලදී සැකකරුවන් අත්අඩංගුවට ගත් අතර ඔවුන් වයස අවුරුදු 36 හා 44 වියේ පසුවන කොළඹ 9 පදිංචිකරුවන් බව පොලිසිය පවසයි.

මට්ටක්කුලිය රජමල්වත්ත ප්‍රදේශයේදී ඉකුත් 25 දින ඇතිවූ ආරවුලක් මත පුද්ගලයකුට තියුණු ආයුධවලින් පහර දී තුවාල කිරීමකට පළිගැනීමක් ලෙස මෙම ඝාතනය සිදුකර ඇති බව පොලිසිය කියයි.

දැනට ඩුබායි රාජ්‍යයට පලා ගොස් සිටින පුද්ගලයෙකුගේ මෙහෙයවීම මත මෙම ඝාතනය සිදුකර ඇති බවටපොලිසිය සිදුකළ මූලික විමර්ශනවලින් අනාවරණය වී ඇති බව පොලිසිය පවසයි.

කටුනායක ප්‍රදේශයේදී අත්අඩංගුවට ගත් සැකකරු අපරාධයෙන් පසුව මාලදිවයිනට පලා යාම සඳහා කටුනායක ගුවන් තොටුපොළ වෙත පැමිණ සිටියදී පොලිසිය පොලීසිය විසින් අත්අඩංගුවට ගත් බවත් එම සැකකරු සන්තකයේ තිබී ජංගම දුරකථන දෙකක් සමග විදෙස් ගමන් බලපත්‍රය ද අත්අඩංගුවට ගත් බව පොලිසිය පවසයි.