(සුජිත් හේවාජුලිගේ )

අමාත්‍යවරුන් නියෝජ්‍ය අමාත්‍යවරුන් සහ ආණ්ඩුවේ මන්ත්‍රීවරුන් බොහෝ දෙනකු දුරකතන ඇමතුම්වලට බොහෝ අවස්ථාවලදී ප්‍රතිචාර නොදැක්වීම හේතුවෙන් තමන් දැඩි දුෂ්කරතාවයට පත්වන බව ජනතාව පෙන්වා දෙති.

බොහෝ මාධ්‍යවේදීන් පවසන්නේ අමාත්‍යවරුන් සහ නියෝජ්‍ය අමාත්‍යවරුන් බහුතරයක් දුරකථන ඇමතුම් වලට ප්‍රතිචාර නොදක්වන බවයි.

ජනතාවගේ දුරකථන ඇමතුම්වලට ප්‍රතිචාර දක්වමින් ජනතාවගේ ප්‍රශ්න ගැටලු විසඳීමට ඇමතිවරුන් කටයුතු කළ යුතු බවට ජනාධිපතිවරයා උපදෙස් දී තිබියදී ඇතැම් ඇමතිවරුන් මේ ආකාරයට කටයුතු කිරීම බොහෝ දෙනෙකුගේ දෝෂ දර්ශනයට ලක්ව ඇත.

මේ සම්බන්ධයෙන් වහා සොයා බැලීමක් කරන ලෙස ජනතාව ජනාධිපතිවරයාගෙන් ඉල්ලීමක් කරති.