භූ කම්පනවලින් බස්නාහිර උස් ගොඩනැගිලි අවදානමක

මේ රටේ ඉදිකිරීම් ක්ෂේත්‍රයේ දුර්වලකම් හා අඩුපාඩු එමටයි. මහාපරිමාණයේ ඉදිකිරීම් කරුවන් හා තවත් දැනුවත් ඉදිකිරීම් කරුවන් තාක්ෂණික ක්‍රම හා දැනුම භාවිතයෙන් ගොඩනැගිලි ඉදිකරනු ලබන අතර ඇතැම් කොන්ත්‍රාත් කරුවන් ඉදිකිරීම් කටයුතු හරිහැටි කරන බවක් නොදැනේ.බොහෝ මේසන් බාස්වරුන් අත්වැඩ දීමට පැමිණි කම්කරුවන් ය.ඔවුන් සතු අඩුපාඩු හා දුර්වලතා බොහෝය.ඒත් ඒවා වටහා ගැනීමට රටේ බොහෝ දෙනාට නොහැකිව පවතී.බොහෝ සිමෙන්ති ගල් නිෂ්පාදකයන් නිසි ප්‍රමිතියක් නැති සිමෙන්ති ගල් නිපදවා අයුතු ලාභ ලබන යුගයක ගොඩනැගිලි යට ඉන්නා අයට දෙවියන්ගේම පිහිටය.මේ දේවල් නිසි අයුරින් සොයා බැලීමට කාර්යක්ෂම රාජ්‍ය යාන්ත්‍රණයක් රටේ නොමැත.රටේ තිබෙන ඉදිකිරීම් සම්බන්ධ නිෂ්පාදන සඳහා රජය උවමනාවෙන් සොයා බැලිය යුතුය.නිසි පරිදි ශිල්පය දත් ඉදිකිරීම් සේවකයන් පමණක් ඒ සඳහා යෙදවිය යුතුය.පුහුණුව අඩු අය පිළිගත් ක්‍රමවේදයක් ඔස්සේ දැනුවත් කළ යුතුය.