(චින්තක ක්‍රීෂාන්ත බාලසුරිය)

ගලෙන්බිඳුණුවැව ප්‍රදේශයේ ගම්මාන රැසක වගා කළ බටානා වට්ටක්කා අලෙවි කර ගත නොහැකිව වගා බිම්වල සහ ගොවියන්ගේ නිවෙස්වල කුණු වී යන බව ගොවීහු චෝදනා කරති.

වෙළෙද පොළේ නිසි මිළක් නොමැති වීම නිසා එම ගොවීහු අපහසුතා රැසකට මුහුණ පා සිටිති.

විශාල වශයෙන් මෙවර යළ යන්නයේ වගා ලී ආශ්‍රිතව ගොඩ බෝග ලෙස වට්ටක්කා, කැකිරි ,පිපිඤ්ඤා, කොමඩු ආදී බෝග විශාල වශයෙන් වගා කර තිබේ.

ගොවින් මේ දිනවල , එසේ වගාකළ වට්ටක්කා වගාවන්හි අස්වැන්න ගොවීන් අස්වැන්න නෙළීම ආරම්භ කර තිබුනද, ගොවීන් වගාකල වට්ටක්කා සදහා වෙළදපොලේ නිසි මිළක් නොමැති කමින් පඩිකාරමඩුව , අබ කොළණිය,නිකවැව හා ඒ අවට ගම්මානවල දැඩිලෙස අපහසුතාවයට පත්ව ඇති බව ගොවීහු පෙන්වා දෙති.

වට්ටක්කා කිලෝවක් රුපියල් 60 ක් 80 අතර මුදලකට අලෙවි වීම කණගාටුදායක තත්ත්වයක් බව ගොවීහු පෙන්වා දෙති.