(අංජුල මහික වීරරත්න සහ සුජිත් හේවාජුලිගේ)

පසුගිය අවුරුදු කීපය ඇතුලත පොලිස් භාරයේ හිටපු පහළොස් දෙනෙක් මරා දමා තිබෙන බව විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා පාර්ලිමේන්තුවේ දී අද(20)පැවසීය.

මේ සම්බන්ධයෙන් එක්සත් ජාතීන්ගේ සංවිධානයේ මෙන්ම යුරෝපා මානව හිමිකම් කවුන්සිලයේ  දීර්ඝව කතා කර තිබෙන බව කී කිරිඇල්ල මහතා මෙි පොලිසිය ගැන ලංකාවේ පමණක් නොව  ජාත්‍යන්තරයේත් විශාල කලකිරීමක් තිබෙන බව සඳහන් කළේය.

රාජ්‍ය අමාත්‍ය චාමර සම්පත් මහතා පැවැසූයේ 

මේ වන විට දකුණු පළාතේ පොලිසියට විමර්ශන කටයුතු පවත්වන්න බැරි තත්ත්වයක් උදා වී තිබෙන බවයි.පොලිසියේ  අයි.පී කෙනෙක් මරා දමා තිබෙන්නේ යැයිද  දකුණේ ඉන්න බෑ කියමින් පොලිසියේ බොහෝ දෙනෙක් ස්ථාන මාරු ඉල්ලන අතර පොලිසියට ජීවිත තර්ජන කරමින් ඩුබායි  සිට කෝල් එනවාලු "යැයි රාජ්‍ය අමාත්‍යවරයා කීය.

පිලිපීනයේ හිටපු ජනපති පාතාලයට කරපු දේ නිසා අද පිලිපීනය හැදී  තිබෙන බව පැවැසූ රාජ්‍ය අමාත්‍යවරයා දකුණේ පුදුම භීෂණයක් තිබෙන බවත් ඒ වෙනුවෙන් කතා නොකරන්නැයි පැවසීය.