(කාංචන කුමාර ආරියදාස)
කාබනික දියර පොහොර ඇසුරුම් පුපුරා යෑමට ප්රධානතම හේතුව ඇසුරුම් සදහා උසස් තත්වයේ ප්ලාස්ටික් කෑන් හා බෝතල් නොමැතිවීමත්, ප්රවාහනයේදී සහ ගබඩා කිරීමේ දී මෙම කාබනික දියර පොහොර ප්රතිවිරුද්ධ ලෙස ගබඩා කිරීමත් බවත් දේශීය දියර පොහොර නිෂ්පාදකයෝ පවසති.
දිවයිනේ තැන තැන රජය විසින් ගොවීන්ට නොමිලේ ලබාදෙන දියර පොහොර ඇසුරුම් පුපුරා යෑමේ සිද්ධීන් රැසක් වාර්තාවිය , පොළොන්නරුව දිස්ත්රික්කයට වී සහ අතිරේක බෝග සඳහා කෘෂිකර්ම දෙපාර්තමේන්තුව මගින් ගොවීන්ට නොමිලේ ලබාදෙන කාබනික දියර පොහොර නිෂ්පාදනය කරන ස්ථානය සොයා ගිය අවස්ථාවේදී එහි නිෂ්පාදකකරුවන් මේ බව සඳහන් කළහ.
පොළොන්නරුව දිස්ත්රික්කයට අවශ්ය දියර පොහොර හබරණ තරැස්කොටුව ප්රදේශයේ නිෂ්පාදනය කරනු ලබයි.මෙම ස්ථානයේ සිදු කෙරෙන ක්රියාදාමය පිළිබඳව මෙන්ම ජනතාව නඟන චෝදනා පිළිබඳව එහි හිමිකරු සහ කළමනාකරුවන්ගෙන් සේවකයන්ගෙන් කරුණු විමසීමදී කළ ප්රකාශයය් මේ.
රජයේ සහනාධාර යටතේ පොළොන්නරු දිස්ත්රික්කයේ බෙදාහරින කාබනික දියර පොහොර ආයතනයේ හිමි හිමිකරු සි .පි . නාගොල්ලේ ගෙදර මහතාගෙන් විමසීමේදී කියා සිටියේ මෙවන් දෙයකි. පොලොන්නරුව දිස්ත්රික් ගොවීන් සඳහා මෙම දියර පොහොර රජයට ලබා දීම සිදු කරන්නේ මමයි. ඉතා වගකීම්කින් පරිශ්රමයක් දරමින් සීයට සීයක් කාබනිකව දේශීය අමුද්රව්ය යොදාගෙන මෙම උසස් තත්වයේ කාබනික දියර පොහොර ය නිෂ්පාදනය මා නිෂ්පාදනය කරනවා.
දිවයිනේ විවිධ ප්රදේශවලින් ඉවත ලන මුහුදු මාළු කොටස් හබරණ හතරැස් කොටුව ප්රදේශයේ පිහිටි මෙම නිෂ්පාදනාගාරයට රැගෙනවිත් ඒවා කුඩුකර දියර බවට පත්කරමින් මාසයක පමණ කාලයක් මෙම ස්ථානයේ විශාල ප්ලාස්ටික් බැරල් වල තබා තවත් අමු ද්රව්ය රැසක් එක් කරමින් මෙම දියර පොහොර නිපදවන බව ද එමෙන්ම ඒවා ඒ සියලු තත්ත්ව පරික්ෂා කිරීම් සිදු කොට වාර්තාවක් ලබා ගැනීමෙන් අනතුරුවව ගොවි සංවිධාන වෙත නිකුත් කිරීම් සිදුකරන බව මෙම ආයතනයේ කළමනාකරු අසංක සමරසේකර මහතා අප සමඟ පැවසීය.
COMMENTS
Reply To:
Sisira - cb chds hcdsh cdshcsdchdhd
කොම්පෝස්ට් ස්වභාවික පොහොර නිපදවන ආකාරය පිළිබඳව ජනතාව දැනුවත් නැති බව පේනවා . දියුණු රටවල් ටොයිලට් වලවල්වලින් ගන්න ඝන ද්රව්ය දිරාපත් වන ක්රමවේද භාවිතා කර පොහොර ලෙස භාවිතා කරනවා . ලංකාවෙ ත් එය ඉතා සාර්ථකව මහරගම තරුණ සේවා සභාවෙත් , අකුරැස්ස නිල්වලා අධ්යාපන පීඨය තුළ ත් ජපන් ආධාරයෙන් සිදු කරනව.
මාළු සිරුරු කොටස් ආශ්රිතව නයිට්රජන් බහුලව තිබෙන බවට යම් පිළිගැනීමක් තියෙනවා. ඒත් ඒවා යූරියා පොහොරවල තියෙන ආකාරයට ඉක්මණින් භෝග ශාකතුළට අවශෝෂණය කරගන්නා ආකාරයේ රසායනික ව්යුහයකින් පවතිනවාද කියලා හොඳට පර්යේෂණ කරලාද මේ බය නැතුව දාන්න කියන්නේ..? ජාතික අස්වැන්න සමග අත්හදා බැලීම් කරන එක හරි අවදානම් වැඩක්...
මෙම මාළු දිරාපත් වීමේදී පත්වන එක් එක් තත්වයන් ඕනෑම ජීවියෙක් මැරුණම පසුකරන තත්වයන්ට සමානයි. මෙහි විද්යාත්මක පසුබිම දන්නා දියුණු රටවලට ගොස් මේ අංශය ගැන දැනුවත් භාවයෙන් ඉන්නා විද්යාඥයන්ගෙන් වාර්තාවක් ලබාගත්තේ නැතිද? එක් විද්යාඥයෙකුගෙන් පමණක් නොව කිහිප දෙනෙකුගෙන් වාර්තා ගත යුත්තේ එක් විද්යාඥයෙකුට නොපෙනෙන පැත්ත අන් අය දකින බැවිනි. ඒත් සෑම ව් මෙම මාළු දිරාපත් වීමේදී පත්වන එක් එක් තත්වයන් ඕනෑම ජීවියෙක් මැරුණම පසුකරන තත්වයන්ට සමානයි. මෙහි විද්යාත්මක පසුබිම දන්නා දියුණු රටවලට ගොස් මේ අංශය ගැන දැනුවත් භාවයෙන් ඉන්නා විද්යාඥයන්ගෙන් වාර්තාවක් ලබාගත්තේ නැතිද? එක් විද්යාඥයෙකුගෙන් පමණක් නොව කිහිප දෙනෙකුගෙන් වාර්තා ගත යුත්තේ එක් විද්යාඥයෙකුට නොපෙනෙන පැත්ත අන් අය දකින බැවිනි. ඒත් සෑම ව්යාපෘතියක්ම එක් කණ්ඩායමක සාක්කුවල මුදල් පුරවන උපාය මාර්ගයක් වී ඇති පසුබිමක මෙය ගොවියන්ට අතුරු ප්රශ්න ගෙන දෙන විහිළුවක්වීම පුදුමයකුත් නොවේ.
නිසිලෙස පොහොර බවට පත්වීමට පෙර ඇසුරුම් කර බෙදාහැරීම හේතුවෙන් අධික දුර්ගන්ධය මෙන්ම, ඇසුරුම් පුපුරායාම සිදුවීමට පුළුවනි.. කාබනික පොහොර නිෂ්පාදනයට මාස 3, 4 කාලයක් බලාගෙන හිටිය නොහැකි බවත්, ඒවා ඉක්මණින්ම සකස්කර යුතු බවටත් ඇමතිවරයකු විසින් උපදෙස් දීමක් මීට ඉහත මාධ්යවල දුටිමි. මේ එහි ප්රතිඵලය විය හැකිය...
නිසි සැලසුම් හො අවබෝධයක් නොමැතිව කිසිවක් කළ නොහැකියි. නිෂ්පාදකයා සිට පාරිභෝගිකයා දක්වා නිසි සැලසුම් සහ අවබෝධය ලබාදිය යුතුයි...