(සුමිත් පොතුපිටිය සහ සමන් කාරියවසම්)

පානදුර රස්කින්දූව ප්‍රදේශයේ දී ජනතාවට පීඩාකාරි ලෙස උපන් දින සාදයක් පවත්වාගෙන ගිය නවාතැන් පලක් වටලා තරුණියක සහ තරුණයන් 21 ක් අත්අඩංගුවට ගත්බව පානදුර උතුර පොලිසිය පවසයි .

අවට ජනතාවට පීඩාකාරී අන්දමින් ඩී ජේ සංගීතයක් භාවිතා කරමින් සාදයක් පවත්වන බවට ස්ථානාධිපති පොලිස් පරීක්ෂක සංජීව ලක්මාල් මහතා ට ලද තොරතුරක් මත නවාතැන් පල වටලා සැකකරුවන් අත්අඩංගුවට ගෙන තිබේ.

සැකකරුවන් වයස අවුරුදු 20 ත් 30 ත් අතර වයසේ පසුවන බවත් ඔවුන් 19 කු සන්තකයේ ඈස් නැමැති මත්ද්‍රව්‍ය කුඩා ප්‍රමාණයක් බැගින් තිබූ බවත් පොලිසිය කීය.

අරක්කැමි සහ ඩී. ජේ. සංගීත හිමිකරු සාදයට සහයවීම සම්බන්ධයෙන් ද තරුණිය ආරක්ෂාව සදහා පොලිස් භාරයට ගෙන ඇති බවත් , මව්පියන් කැදවා ඇය භාරදෙන බවත් උසස් පොලිස් නිළධාරියෙක් කීය.

​