(අංජුල මහික වීරරත්න)

බුද්ධ ශාසනයට අභියෝග එල්ලවන මේ මොහොතේ නිවටයන් වෙනවාද? ශක්තිමත්ව මුහුණ දෙනවාද? කියා ජනතාව තීරණය කළ යුතු බව විපක්ෂ නායක සජිත් ප්‍රේමදාස මහතා පැවැසීය.

අද වන විට සම්බුද්ධ ශාසනයට ආගම දහමට විවිධ පැතිකඩවලින් අභියෝග එල්ල වන බව විපක්ෂ නායකවරයා සඳහන් කළේය.

 සම්බුද්ධ ශාසනයට ආණ්ඩුක්‍රම ව්‍යවස්ථාවෙන් උත්තරීතර ස්ථාවරයක් ලබා දී ඇති බවත් එය වචනයට ප්‍රකාශයට පමණක් සීමා නොවී මහපොළොවේ සත්‍යයක් යථාර්ථයක් බවට පත් කිරීම සියලු දෙනාගේම වගකීමක් බවත් විපක්ෂ නායකවරයා පැවසීය.

විපක්ෂ නායක සජිත් ප්‍රේමදාස මහතා මේ බව කියා සිටියේ උඩරට අමරපුර මහා නිකායේ මහා නායක පදවියෙන් පිදුම් ලැබු  නිකපොත චන්ද්‍රජෝති නාහිමියන් පිළිගැනීම වෙනුවෙන් පැවැති උත්සවයක් අමතමිනි. කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ දී මෙම උත්සවය පැවැත්විණි.