(සුමිත් පොතුපිටිය)

අවුරුදු 16 දැරියක  දූෂණය කිරීම සම්බන්ධයෙන් චෝදනා එල්ලවූ පුද්ගලයකු වරදකරු කරමින් පානදුර මහාධිකරණ විනිසුරු සමන් කුමාර මහතා  ඔහුට වසර 35 ක සිරදඬුවම්  නියම කළේය.

මොරටුව, ලක්ෂපතිය, කන්නගර මාවතේ පදිංචි  38 හැවිරිදි අයකුට මෙසේ දඩුවම් නියම කෙරිණි.

විත්තිකරු 2021 ජනවාරි සහ මාර්තු මාසයන් අතරතුර කාලය තුල 16 හැවිරිදි දැරියක රී දූෂණය කිරීම සම්බන්ධයෙන් කොළඹ ළමා හා කාන්තා අපයෝජන නිවාරණ කාර්යාංශය  අත්අඩංගුවට ගෙන චෝදනා තුනක් යටතේ අධිකරණයට ඉදිරිපත් කිරීමෙන් පසු නීතිපති වරයා විසින් මහාධිකරණය හමුවේ නඩු පවරා තිබුණි.