(ශාන්ත ප්‍රදීප් කුමාර කුලරත්න)

කොට්ටාව මාකුඹුර ප්‍රදේශයේ මාර්ගයක් අසල නවතා තිබූ ත්‍රිරෝද රථයක තිබී පුද්ගල මළ සිරුරක් මීට ස්වල්ප පෙර සොයා ගෙන තිබේ.

මාර්ගය අසල නවතා තිබූ ත්‍රීරෝද රථයක පිටුපස අසුනේ සැකකටයුතු ලෙස වැටී සිටි පුද්ගලයකු පිළිබඳ 119 හදිසි ඇමතුම් අංකය ලද තොරතුරකට අනුව පොලිස් නිලධාරීන් එම ස්ථානයට ගොස් පරික්ෂා කිරීමෙදී එහි සිටි පුද්ගලයා මියගොස් ඇති බවට අනාවරණය වීමත් සමග මෘතදේහය හෝමාගම මූලික රෝහලට ඇතුළත් කර තිබේ.

මියගිය පුද්ගලයාගේ අනන්‍යතාවය මෙතෙක් අනාවරණය වී නොමැත.

මෙය ඝාතනයට නැතහොත් ස්වභාවික මරණයක් ද යන්න පිළිබඳ කොට්ටාව පොලීසිය විමර්ශන ක්‍රියාත්මකය.