(කේ. බුද්ධික කුමාරසිරි)

හෝමාගම මාගම්මන ප්‍රදේශයේ උත්සව ශාලාවක තිබූ තේක්ක ගසක අතු කැපීමට ගිය පුද්ගලයකු එම ගසේ අඩි හතලිහක පමණ උඩක සිට බිමට ඇද වැටීමෙන් බරපතල තුවාල ලබා හෝමාගම මූලික රෝහලට අද (02) දින  ඇතුලත් කල පසු මියගොස් ඇතැයි කහතුඩුව පොලිසිය පවසයි.

මෙලෙස මියගොස් ඇත්තේ මාගම්මන වෙදගෙවත්ත ප්‍රදේශයේ පදිංචි මහගමගේ ජයරත්ත නැමැති 61 හැවිරිදි අවිවාහකයෙකි.

මියගිය පුද්ගලයා තවත් පුද්ගලයකු සමගින් අදාල ගසේ අතු කැපීම සදහා ගොස් ඇති බවත් එම ගස අඩි හැත්තෑවක් පමණ උසැති ගසක් බවත් එම ගසේ අඩි හතලිකහ පමණ උසින් තිබූ අත්තක් කැපීමට යාමේදී අත ලිස්සා බිමට ඇද වැටී ඇති බවට සිදුකල මූලික විමර්ශණයේදී අනාවරණය වූ බවද පොලිසිය පවසයි.

එම අවස්ථාවේදී මියගිය පුද්ගලයා සමග අත් උදව්වට ගිය අ⁣ය ගස මුල ලණුවක් අත අල්ලා සිට ඇති බවත් පොලිසිය පවසයි.