(අංජුල මහික වීරරත්න)

ජාතික භෞතික සැලැස්ම කඩිනමින් සෑම දිස්ත්‍රික් කමිටුවකටම ඉදිරිපත් කොට අනුමැතිය ලබා ගන්නා ලෙස නාගරික සංවර්ධන හා නිවාස අමාත්‍ය ප්‍රසන්න රණතුංග මහතා නිලධාරීන්ට උපදෙස් දුන්නේය.  

ඇමතිවරයා මෙම උපදෙස් ලබා දුන්නේ පාර්ලිමේන්තුව පරිශ්‍රයේදී ජාතික භෞතික සැලසුම් දෙපාර්තමේන්තුවේ නිළධාරීන් සමග  පැවති සාකච්ඡාවකදීය.

රටේ සංවර්ධන වැඩ සටහන් වලදී ඒ සඳහා ක්‍රියාත්මක ආයතන ඒකාබද්ධ කරගැනීම ප්‍රමාදවීම හේතුවෙන් සංවර්ධන වැඩසටහන් ක්‍රියාත්මක කිරීම බොහෝවිට ප්‍රමාද වන අතර  කලින් කලට රජයන් වෙනස්වන විට ජාතික සැලසුම් වෙනස්වීම රටේ සංවර්ධනයට බාධාවක් බව ප්‍රසන්න රණතුංග ඇමතිවරයා මෙහිදී සදහන් කළේය.