(අංජුල මහික වීරරත්න)

ජනතා විමුක්ති පෙරමුණත් රටේ බලය ඉල්ලන්නේ අත්හදා බැලීම් කරන්නැයි ද එවැනි අත්හදා බැලීම් කරන්නට ගෝඨාභය රාජපක්ෂ ගෙනවිත්  හොඳ පාඩමක් ඉගෙනගත් ජනතාවට තවත් පාඩම් අවශ්‍ය නැතැයි ද ජනාධිපති  පාර්ලිමේන්තු කටයුතු පිළිබඳ උපදේශක මහාචාර්ය ආශු මාරසිංහ මහතා පැවසීය.

රටට දැන් පරිනත නොවන දේශපාලන නායකත්වයක් වැඩක් නැතැයි කී මාරසිංහ මහතා පරිනත නැති දේශපාලකයන්ට වැඩ බැරි බව ලංකාවේ මෙන්ම ලෝකයේ ද ඔප්පු  වී තිබෙන බව සඳහන් කළේය.

යුරෝපා සංගමය සමඟ එකතු වී ව්ලැඩිමීර් සොලෙන්ස්කි යුක්‍රේන බලය ගත් නමුත් අද යුද්ධයක් නිසා ඔහුගේ පාලනය නැත්තටම නැති වී ඇතැයි මාරසිංහ මහතා පැවසීය.

ජනතා විමුක්ති පෙරමුණ පාලන බලය ගෙන  ඩොලර් ප්‍රශ්නයට විසඳුමක් දෙන්නේ කෙසේදැයි කිසිම වැඩපිළිවෙළක් ඉදිරිපත් කරල නැති බවද ආශු මාරසිංහ මහතා සඳහන් කළේය.

පිටකෝට්ටේ සිරිකොත එජාප මූලස්ථානයේ පැවැති මාධ්‍ය හමුවක දී ආශු මාරසිංහ මහතා මේ බව සඳහන් කළේය.